تەنیا بیر لەمە بکەنەوە: لە ماوەی تەنیا یەک ساڵدا لە پڕۆژەیەکی سادەی چارەسەرکردنی کێشە، ببێ بە خاوەنی کۆمپانیایەکی یۆنیکۆرنی زەبەلاح کە بەهاکەی لە ١.٥ ملیار دۆلار تێپەڕێت. ئەمە چیرۆکی دوو برای دووانەیە

موکوند ژها و مادهاڤ ژها، دوو برای دووانەن کە کۆمپانیای Emergentـیان بە ئامانجی چارەسەرکردنی کێشەی سەرەکی ملیۆنان خاوەنکاری جیهان دامەزراند؛ ئەویش تێچووی زۆر بەرز و خەیاڵی دروستکردنی نەرمەکاڵا و سیستەمی تایبەت بە کارەکان بوو، کە وای لە زۆربەی کۆمپانیاکان دەکرد بە ناچاری پشت بە بەرنامەی سنووردار، خشتەی ئێکسڵ (Excel) یان پەیوەندی تەلەفۆنی ببەستن بۆ بەڕێوەبردنی کارەکانیان.

بە پێچەوانەی ئەو باوەڕە باوەی کە کەرەستەکانی دروستکردنی بەرنامە بە ژیری دەستکرد تەنیا بۆ پرۆگرامسازەکانە، ئەم دوو برایە پلاتفۆرمی Emergentـیان بە جۆرێک دیزاین کرد کە هەر کەسێک بەبێ هیچ پێشینە و ئەزموونێکی کۆدنوسین بتوانێت نەرمەکاڵای تایبەت بۆ بەڕێوەبردنی موشتەریەکان، کۆگا، حجزکردن یان بەدواداچوونی ڕۆژانەی کارەکانی دروست بکات. لە ماوەیەکی زۆر کەمدا، ژمارەی بەکارهێنەرانی پلاتفۆرمەکە لە ١٠ ملیۆن کەس تێپەڕی لە زیاتر لە ١٩٠ وڵاتی جیاواز، و تا ئێستا زیاتر لە ١٢ ملیۆن ئەپڵیکەیشنی جیاوازی لەسەر دروستکراوە.

نموونەی سەرکەوتنی ڕاستەقینە: خاوەنی کۆمپانیایەکی تایبەت بە کاری بنمیچ و قرمید توانی بە بەکارهێنانی ئەم پلاتفۆرمە پێنج نەرمەکاڵای جیاواز لاببات و لە یەک سیستمدا کۆیان بکاتەوە کە مانگانە ١٨٠٠ دۆلاری بۆ پاشەکەوت کرد. هەروەها پەرستارێکی بەشی چاودێریی چڕ بە کەمتر لە ١٠٠٠ دۆلار پلاتفۆرمێکی فێرکاری تایبەت بە خۆی دروستکرد، لە کاتێکدا بە شێوازی نەریتی پێویستی بە نزیکەی ٣١ هەزار دۆلار دەبوو!

لە خولی نوێی وەبەرهێنانی (Series C)، کۆمپانیاکە توانی ١٣٠ ملیۆن دۆلار سەرمایەی نوێ کۆبکاتەوە، بەوەش بەهای Emergent گەیشتە نزیکەی ١.٥ ملیار دۆلار، تەنیا یەک ساڵ دوای بەردەستکردنی بۆ بەکارهێنەران.

📉 پێچەوانەی هاوکێشەکە بۆ ماوەی دەیان ساڵ لە جیهانی تەکنەلۆژیادا، دروستکردنی سۆفتوێری تایبەت بە کارەکان مۆنۆپۆلکرابوو لە دەستی کۆمپانیا زەبەلاحەکان و تیمی گرانبەهای پرۆگرامسازان، کە وای دەکرد خاوەنکارە بچووکەکان هەمیشە لە دواوە بمێننەوە. بەڵام دەرکەوتنی پلاتفۆرمی وەک Emergent تەواوی ئەم هاوکێشەیە هەڵدەگێڕێتەوە. بلیمەتی ڕاستەقینەی ئەم دوو برایە لەوەدا نەبوو کە مۆدێلێکی زمانی نوێ دروست بکەن، بەڵکو لە دیموکراتیزەکردنی بەرهەمهێنانی سۆفتوێردا بوو (Democratization of Software). کاتێک دەسەڵاتی دروستکردنی کەرەستە دەخەیتە دەستی ئەو کەسەی کە خۆی ئازار و کێشەی کارەکەی دەزانێت (وەک خاوەنکار، مامۆستا، یان پەرستار)، بەهای بازاڕی بە شێوەیەکی خەیاڵی گەشە دەکات. لە داهاتوودا بەهێزترین کۆمپانیاکان ئەوانە نین کە کۆدی ئاڵۆزتر دەنووسن، بەڵکو ئەوانەن کە بەربەستەکان دەشکێنن تا هەموو مرۆڤێک ببێتە دروستکەر.

ئێستا نۆرەی ئێوەیە؛ ئەگەر کەرەستەیەکی لەم شێوەیەتان لەبەردەست بێت کە بەبێ کۆدنوسین سیستەمتان بۆ دروست بکات، چ کێشەیەکی کار یان ژیانی ڕۆژانەتان دەکەنە ئەپڵیکەیشنێکی زیرەک؟ ڕای خۆت لە کۆمێنت بۆم بنووسە 🤔👇

بۆ ئەوەی لە جیهانی ژیریی دەستکرد و داهاتووی تەکنەلۆژیادا دوا نەکەویت، هەژمارەکەم فۆڵۆ بکە و ببە بە بەشێک لە گەشتەکە! 🤖🚀

Ahmad Birdoz