"چاوەکانمان چیتر بە کەڵک نایەن!" 👁️❌🔥

ئەمە وتەی هانی فەریدە: گەورەترین پسپۆڕی DeepFake لە جیهاندا:

هەمیشە دەستەواژەیەکی باو هەبوو کە دەیگوت "تا بە چاوی خۆت نەبینیت، باوەڕ مەکە"، بەڵام پێدەچێت ژیری دەستکرد تەنانەت ئەم یاسایەش بە تەواوی لەناو دەبات.

"هانی فەرید" (Hany Farid) ، کە زۆرێک لە پسپۆڕان بە گەورەترین و بەهێزترین شارەزای جیهان دەیناسن لە بواری لێکۆڵینەوەی دیجیتاڵی و ڤیدیۆ سێبەرەکان (Deepfakes)، لە چاوپێکەوتنێکی ناوازەیدا لەگەڵ ڕۆژنامەی بەناوبانگی New York Times هۆشداریەکی دا کە جیهانی تووشی شۆک کردووە. ئەو دەڵێت: "هەستی بینینی مرۆڤ لە ماوەی چەند ساڵێکی کەمدا بە تەواوی بێسوود و بێبایەخ دەبێت!"

🧠 کاتێک پرۆفیسۆرەکەی Berkeley خۆی ناتوانێت تێبگات! هانی فەرید کە هاوکات پرۆفیسۆری زانستی کۆمپیوتەرە لە زانکۆی کالیفۆرنیا بێرکلی (UC Berkeley) و سەرۆکی زانایانە لە کۆمپانیای GetReal Security، دان بە ڕاستیەکی سەرنجڕاکێشدا دەنێت:

• "ئەمڕۆ، من خۆم ناتوانم تەنها بە یەک تەماشاکردن جیاوازی لە نێوان ڤیدیۆیەکی ڕاستەقینە و یەکێکی ساختەدا بکەم."

• ئەو دەڵێت ئێستا بۆ ئاشکراکردنی بەشێک لەو ڤیدیۆ و فیلمانەی کە بە شێوازێکی پرۆفیشناڵ لە ڕێگەی ژیری دەستکردەوە دروستکراون، ناچارە پشت بە تەکنەلۆژیای یەکجار پێشکەوتوو و هێزی پرۆسێسەکردنی زەبەلاح ببەستێت.

ئێستا دروستکردنی ڤیدیۆیەکی دیپفەیکی پێشکەوتوو بۆ هەموو کەسێک بووەتە کارێکی یەکجار سادە، لە بەرامبەردا زۆربەی هەرە زۆری مرۆڤەکانی سەر زەوی هیچ توانایەکیان نیە بۆ ناسینەوەی ڕاستی لە ساختە.

📉 خێرایی ساختەکاری بەرامبەر خاوی پشکنین لێرەدا پێچەوانەی هاوکێشەکە بە قورسی خۆی دەسەپێنێت؛ بەرهەمهێنانی ناوەڕۆکی ساختە بووەتە کارێکی زۆر خێرا، هەرزان، بەردەست و جێی متمانە، بەڵام پڕۆسەی دۆزینەوە و سەلماندنی ساختەکاریەکە لە لایەن پسپۆڕانەوە کاتێکی زۆری دەوێت.

ئەم تێکچوونی هاوسەنگیە دەبێتە هۆی کارەسات: ڤیدیۆ درۆینەکان لە ناو تۆڕە کۆمەڵایەتیەکاندا بە خێراییەکی شێتانە بڵاوبوونەوە و دەبنە "ڕاستیەکی چەسپاو" لە مێشکی خەڵکیدا، زۆر پێش ئەوەی پسپۆڕان بتوانن بە بەڵگەوە بیسەلمێنن کە ئەو بابەتە تەنها دیپفەیک بووە. مەترسی ڕاستەقینە تەنها پەرەسەندنی تەکنەلۆژیاکە نیە، بەڵکو گەیشتنمانە بە قۆناغێک کە ئەوەی بە چاوی خۆمان دەیبینین، چیتر بەڵگەیەکی تەواو نیە بۆ سەلماندنی ڕاستی.

📌 پوختەی قسە وتەکانی هانی فەرید زەنگێکی مەترسیدارە بۆ داهاتووی متمانە لە جیهانی دیجیتاڵیدا. کاتێک وێنە و دەنگ و ڤیدیۆ ڕاستی خۆیان لەدەست دەدەن، مرۆڤایەتی دەچێتە ناو سەردەمێکی لێڵ کە تێیدا شێواندنی ڕاستیەکان لە هەمیشە ئاسانتر دەبێت. پاراستنی هۆشیاری و بەکارنەهێنانی سۆشیاڵ میدیا وەک سەرچاوەی یەکەمین، تاکە چەکی دەستمانە.

بۆ ئەوەی لە جیهانی ژیری دەستکرد و داهاتووی تەکنەلۆژیادا دوا نەکەویت، هەژمارەکەم فۆڵۆ بکە و ببە بە بەشێک لە گەشتەکە! 🤖🚀

چێژی تەکنەلۆژیا لێرەیە 🥰

سڵاو ڕێزی براتان ئەحمەد بیردۆز 😎

Ahmad Birdoz