باوکی ژیری دەستکرد پەردەی لەسەر گەورەترین وەهمی مێژوو لادا: تۆ یەک کەس نیت لە ناو مێشکتدا! 🧠🏢🔥

زۆربەمان وا ڕاهاتووین کە وا بیر بکەینەوە لە پشت چاوەکانمانەوە تەنها "یەک عەقڵ" یان یەک سەرکردەی ناوەندی دانیشتووە و زۆر بە هێمنی و لۆژیک بڕیارەکان دەدات. بەڵام کاتێک دەگەڕێینەوە بۆ سەرچاوەکانی زانستی AI، ڕاستیەکی زۆر جیاواز و کەمێک ترسناک دەبینین کە پێچەوانەی ئەم وەهمەیە!

با پێکەوە ئاشنا ببین بە بیرۆکە هاوچەرخەکانی مارڤین مینسکی (Marvin Minsky) ؛ ئەو زانایەی کە بە یەکێک لە باوکان و دامەزرێنەرانی زانستی ژیری دەستکرد دادەنرێت. مینسکی تەنها تاقیگەی ناوداری AI لە زانکۆی MIT دانەمەزراند و یەکەم ئامێری تۆڕی دەماری (Neural Network) لە ساڵی ١٩٥١دا دروست نەکرد، بەڵکو گەورەترین داهێنانی ئەو، کێشانی نەخشەی ڕاستەقینەی مێشکی "تۆ" بوو!

مینسکی لە کتێبە بەناوبانگەکەیدا "The Society of Mind" (کۆمەڵگەی عەقڵ) ، تێڕوانینێکی پێشکەش کرد کە تێگەیشتنی مرۆڤ بۆ خۆی دەگۆڕێت.

⚠️ تۆ یەک عەقڵت نیە؛ تۆ شارێکی پڕ لە دەنگ! مینسکی دەڵێت: ئەو کەسەی کە تۆ پێی دەڵێیت "من"، بە هیچ شێوەیەک سەرکردەیەکی ناوەندی نیە. مێشکی تۆ لە ناوخۆیدا پێکهاتووە لە هەزاران بریکاری بچووک (Mini-agents) کە بەردەوام لە ململانێ، دانوستان و شەڕدان لەگەڵ یەکتردا:

• عەقڵی شیکاری و لۆژیک. • عەقڵی کۆمەڵایەتی. • عەقڵی ترسی لەدەستدان. • عەقڵی تەمبەڵی و حەزی حەسانەوەی کتوپڕ. • عەقڵی خووە کۆنەکان.

کاتێک تۆ بڕیارێک دەدەیت، تۆ "پلان"ت دانەناوە، بەڵکو ئەو بڕیارە تەنها ئەنجامی کۆتایی ئەو دەمەقاڵێ و جەنگە ناوخۆییەیە کە لە نێوان ئەو بریکارانەدا ڕوویداوە و یەکێکیان سەرکوتکراوە!

❌ کێشەکە تەمبەڵی یان لاوازیی ئیرادە نیە! ئەم فەلسەفەیەی مینسکی تێگەیشتنی زاناکانی بۆ چەمکی "بەرهەمداری" (Productivity) گۆڕی: • کاتێک کارەکانت دوا دەخەیت: مانای ئەوە نیە تۆ مرۆڤێکی تەمبەڵیت؛ بەڵکو ئەو بریکارەی بیر لە داهاتوو دەکاتەوە، شەڕەکەی دۆڕاندووە بەو بریکارەی کە ئێستا کات کاتژمێری حەسانەوەی دەوێت😁

• کاتێک ناتوانیت کۆنترۆڵی خۆت بکەیت: کێشەکە لاوازیی ئیرادە نیە، بەڵکو تۆ تەنها یەک بریکاری هۆشیارت ناردووە بۆ شەڕی ٢٠ بریکاری یاخی لە ناو مێشکتدا.

لێرەوە تێدەگەین بۆچی "دوورخستنەوەی مۆبایل لە ژوورەکەت" زۆر کاریگەرترە لەوەی مۆبایلەکە لەبەردەمت بێت و تۆ بە ئیرادە بجەنگیت؛ چونکە لێرەدا تۆ هێزی ئیرادەت بەهێز نەکردووە، بەڵکو تەنها شێوازی ژینگەی شەڕەکەت لە ناو مێشکتدا گۆڕیوە بۆ ئەوەی بریکارە باشەکە بە ئاسانی بیباتەوە.

👁️ ئێمە کەمتر لەو شتانە هۆشیارین کە مێشکمان بە باشترین شێوە دەیانکات مینسکی ڕستەیەکی زۆر قووڵی هەیە کە دەڵێت: "ئێمە کەمتر هۆشیارین بەو ئەرکانەی کە عەقڵمان بە باڵاترین ئاست ئەنجامیان دەدات."

مەبەستی چیە؟ کاتێک تۆ بەڕێگادا دەڕۆیت، دەموچاوی هاوڕێیەکەت دەناسیتەوە، یان لە زمانێک تێدەگەیت، مێشکت ملیۆنان پڕۆسەی ئاڵۆز لە چرکەیەکدا دەکات، بەڵام هێندە بە ئاسانی بۆت ڕادەپەڕێنێت کە تۆ وا هەست دەکەیت کارێکی سادەیە. لە کاتێکدا ئەو بیرکردنەوە لۆژیکی و کێشانەی کە تۆ شانازییان پێوە دەکەیت، تەنها دڵۆپێکی بچووکن لەسەر ڕووی زەریای عەقلی فیزیکیت. 📌 پوختەی قسە ئەمڕۆ کاتێک کۆمپانیا زەبەلاحەکانی تەکنەلۆژیا کار لەسەر دروستکردنی سیستەمی بریکارە زیرەکەکان (AI Agents) دەکەن، ڕێک دەیانەوێت پەیڕەوی ئەم بیرۆکەیەی مینسکی بکەن؛ ژیری ڕاستەقینە تەنها یەک مۆدێلی دێوەزمە نیە، بەڵکو پێکهاتووە لە کۆمەڵێک بریکاری پسپۆڕ کە بەردەوام گفتوگۆ دەکەن بۆ گەیشتن بە باشترین بڕیار. مرۆڤی زیرەکیش هەمیشە پشت بە هێزی ئیرادەی کاتی نابەستێت، بەڵکو ژینگەی ژیانی بە جۆرێک دیزاین دەکات کە بریکارە باشەکانی مێشکی بە شێوەیەکی ئۆتۆماتیکی شەڕەکان ببەنەوە.

ئایا پاش خوێندنەوەی ئەم بابەتە، هەست دەکەن ئەو ململانێ ناوخۆییەی مێشکتان ناسیوە کاتێک دەتانەوێت بڕیارێکی گرنگ بدەن؟ کام بریکاری مێشکتان زۆربەی کات شەڕەکان دەباتەوە☺️

چێژی تەکنەلۆژیا لێرەیە 🥰 / سڵاو ڕێزی براتان ئەحمەد بیردۆز 😎💜 / Ahmad Birdoz