ئەپڵ چۆن سەرکەوت لەوازهێنان لەپڕۆسێسەری ئینتێڵ🤔 ئایا ئێنڤیدیاش دەتوانێ سەربکەوێ؟ ⚔️💻

ململانێی گواستنەوەی کۆمپیوتەرەکان بۆ سەر تەلارسازیی کەم-مەسڕەفی ARM بووەتە گەرمترین ڕووداوی سەردەم. لێرەدا زۆر کورت و پوخت ڕاستیەکان ڕوون دەکەینەوە تا بە ئاسانی لەم هاوکێشە ئاڵۆزە تێبگەین.

🍏 ئەپڵ چۆن بازاڕەکەی داگیرکرد؟ سەرکەوتنی ئەپڵ لە کۆچی بەرەو ARM دروستکردنی چیپی زنجیەری Mی تایبەت بەخۆی لۆژیکی بوو، چونکە کێشەیەکی ڕاستەقینەی بەکارهێنەرانی چارەسەر کرد: پێشکەشکردنی لاپتۆپێک کە پاتریەکەی زۆر بمێنێتەوە، گەرم نەبێت، و هێزێکی خەیاڵی هەبێت. چونکە ئەپڵ خۆی کۆنترۆڵی ڕەهای بەسەر ڕەقەکاڵا و سیستەمەکەیدا هەبوو، بە هاوکاریی وەرگێڕی خێرای Rosetta 2 پرۆسەکەی زۆر نەرم ئەنجام دا و بووە پاشای بازاڕ.

بێینە سەر ئینڤیدیا کە دەیەوێت بەهاوکاری کۆمپانیای میدیاتێک و مایکرۆسۆفت هەنگاوێکی هاوشێوەی ئەپڵ بنێ. بەڵام جیاوازیەکە لێرە زۆرە بەتایبەت کاتێک لە کارکردنی بەلایەنی کەمەوە سێ کۆمپانیا دەکەین تا ئەو ئامانجە بێتەدی، ئەمەش کارەکان ئاڵۆز دەکات و ئەگەری سەرکەوتنی کەمتر و کەمتر دەکاتەوە.

ئەگەرەکانی سەرکەوتن و دروستکردن و تایبەتمەندیەکانی ئەم چیپە چیە؟ 🛠️ چیپی RTX Spark چۆن دروستکراوە؟ ئەم سەکۆ نوێیە (SoC) داهێنراوێکی سەربەخۆ نیە لە سفرەوە، بەڵکو بەرهەمی دیزاینێکی هاوبەش و هاوکاریکردنە لە نێوان NVIDIA و MediaTek.

• ناواخنی پڕۆسێسەرەکە: چیپەکە خاوەنی ٢٠ ناوکی پڕۆسێسەری Grace CPUیە، کە تەلارسازییەکەی لەسەر بنەمای ناوکەکانی مۆبایل (Cortex-X925 بۆ هێزی باڵا و Cortex-A725 بۆ پاراستنی وزە) لە چوارچێوەی ژێرخانی Arm v9.2 گونجێنراوە.

• هێزی گرافیک و بیرگە: ئەم تێکەڵەیە بەستراوەتەوە بە کارتی گرافیکی پێشکەوتووی Blackwell و بیرگەیەکی یەکگرتووی (Unified Memory) زەبەلاح تا قەبارەی 128GB، تەنها بۆ ئەوەی زۆرترین خێرایی بە کارەکانی ژیری دەستکرد ببەخشێت بە شێوەیەکی ناوخۆیی.

📈 بۆچی ئەگەری هەیە ئێنڤیدیا سەرکەوتوو بێت؟ • قەڵای بەهێزی CUDA: ئێنڤیدیا خاوەنی باڵادەستیەکی نەرمەکاڵایی لەرادەبەدەر بەهێزە، ئەمەش وا دەکات ئامێرەکە ببێتە بژاردەی یەکەمی گەشەپێدەران و پرۆفیشناڵەکان. • پاتری و کەمکردنەوەی گەرمی: بەهۆی بەکارهێنانی تەلارسازیی هاوشێوەی مۆبایل، لاپتۆپەکان تەمەنی پاترییان ئێجگار درێژ دەبێت و پێویستیان بە ساردکردنەوەی دەنگاوی نابێت.

📉 بۆچی ئەگەری هەیە ئێنڤیدیا سەرنەکەوێت؟ • دۆزینەوەی چارەسەر بۆ کێشەیەکی نەبوو: ئێنڤیدیا دەیەوێت بە نرخێکی زۆر گران (نزیکەی ٢٠٠٠ دۆلار) لاپتۆپێکی "تەنها بۆ ژیری دەستکرد" بە بەکارهێنەری ئاسایی بفرۆشێت، لە کاتێکدا کڕیاری ئاسایی پێویستی بەم هەموو هێزە ناوخۆییە نیە.

• کێشەی یاریەکان و ڕکابەرەکان: گونجانی یاریە تەقەلیدیەکان لەسەر سیستەمی Windows on ARM هێشتا کێشەیە، لە لایەکی تریشەوە کۆمپانیای Qualcomm وەک ڕکابەرێکی ئامادە لەم ناوەدا دانیشتووە و ڕکابەریی دەکات.

پوختەی قسە: ئەپڵ کێشەیەکی ڕوونی کڕیارانی چارەسەر کرد، بەڵام ئێنڤیدیا دەیەوێت بازاڕێکی تەواو نوێ بخولقێنێت و خەڵکی تێبگەیەنێت کە پێویستیان پێیەتی.

چێژی تەکنەلۆژیا لێرەیە 🥰 سڵاو ڕێزی براتان ئەحمەد بیردۆز 😎💜

Ahmad Birdoz