کۆتایی سەردەمی نۆرەگرتن؛ کاتێک زیرەکی دەستکرد فێری "قسە پێبڕین" دەبێت! 🗣️🛑

کاتێک لەگەڵ زیرەکی دەستکرددا قسە دەکەیت، پرۆسەکە زیاتر لە نۆرەگرتن دەچێت، پلاتفۆرمەکان پێیان دەوترێت (Turn-Based AI). واتە تۆ پرسیار دەکەیت و ئەو بێدەنگ دەبێت، کاتێکیش ئەو وەڵام دەداتەوە، تۆ ناچاریت تەنها تەماشاکار بیت و چاوەڕێ بکەیت.

ئەم دۆخە لە جیهانی تەکنەلۆژیادا بە "گرێ کوێری کارلێک" ناودەبرێت؛ چونکە گفتوگۆکە وەک فەرمانی جیاجیا و وشک دەردەکەوێت، نەک مشتومڕێکی زیندووی وەک نێوان دوو مرۆڤ.

بۆچی شێوازی ئێستا کێشەیە؟ • بەفیڕۆچوونی کات و کرێدت: زۆرجار لە نیوەی نووسینی مۆدێلەکەدا بیرۆکەیەکی نوێت بۆ دێت، بەڵام ناچاریت پرۆسەکە ڕابگریت، دەقەکە کۆپی بکەیتەوە، گۆڕانکاریەکەی تێدا بکەیت و لە سەرەتاوە بیدەیتەوە بە مۆدێلەکە. ئەمەش کات و وزەیەکی زۆر بەفیڕۆ دەدات چونکە مۆدێلەکە ناچارە لە خاڵی سفری لۆژیکیەوە دەست پێبکاتەوە.

• ونبوونی زانیاری پێویست: لە سیستەمەکانی ئێستادا، زیرەکی دەستکرد ناتوانێت لە ناوەڕاستی قسەکانتدا پێببڕێت و بڵێت: "ئەگەر ئەم خاڵەش زیاد بکەیت، ئەنجامەکەت زۆر بەهێزتر دەبێت"، چونکە ئەو تەنها بەرنامە ڕێژکراوە کە کڕ و بێدەنگ بێت تا تۆ بە تەواوی کۆتایی بە ڕستەکەت دەهێنیت.

• نەبوونی ڕۆحی مرۆیی: هاوڕێیەکی ڕاستەقینە کاتێک گوێت لێ دەگرێت، هەر کە وێنە گشتیەکەی لا ڕوون بووەوە، لەوانەیە قسەکەت پێ ببڕێت، سەرنجێکی خێرا بدات، یان تەنانەت گاڵتەیەک بکات کە ئاڕاستەی گفتوگۆکە بەرەو باشتر ببات. ئەم گۆڕینەوە بەردەوامە ڕێک ئەو شتەیە کە سیستەمەکانی ئێستا نایانزانی.

شۆڕشی "مۆدێلەکانی کارلێک" (Interaction Models) بۆ تێپەڕاندنی ئەم بەربەستە، کۆمپانیای Thinking Machines Lab کار لەسەر مۆدێلێکی ئەزموونی نوێ دەکات کە دەیەوێت پەیوەندی نێوان مرۆڤ و ئامێر هاوشێوەی ئاخاوتنی ئاسایی لێبکات؛ بە تەواوی تێکەڵ، خێرا و پڕ لە قسە پێبڕینی ساتەوەختی.

لەم سیستەمە نوێیەدا، ئەگەر پرسیارێک لە چات بۆتەکە بکەیت و ئەو دەست بە نووسین یان قسەکردن بکات، دەتوانیت لە هەمان چرکەدا فایلی نوێی بۆ بنێریت یان فەرمانەکەت دەستکاری بکەیت. ئەو لەو چرکەیەدا دەوەستێت، گوێت لێ دەگرێت و بەردەوام دەبێت. "بریکار"ە قووڵەکەی پشتەوەی سیستەمەکە بەردەوامە لە شیکردنەوەی تەواوی گفتوگۆیەکە و لە سەرەتاوە دەست پێناکاتەوە، بەڵکو وەڵامەکەی لەسەر بنەمای گۆڕانکارییە نوێیەکە ڕێکدەخاتەوە.

چۆن کار دەکات؟ (نۆرەی بچووککراوە و سیستەمی دوو چینی) ئەم تەکنەلۆژیایە لەسەر دوو بنەمای سەرەکی کار دەکات: • نۆرەی بچووککراوە (Micro-turns): پەنجەرەی کاتی زۆر بچووک کە تەنها ٢٠٠ میلی چرکەیە. سیستەمەکە چاوەڕێی کۆتایی ڕستەکە یان پەرەگرافەکە ناکات، بەڵکو پارچە زۆر بچووکەکانی دەنگ، دەق و ڤیدیۆ بە بەردەوامی و هاوتەریب شیکار دەکات تا لە کاتی ڕاستەقینەدا (Real-time) وەڵام بداتەوە.

• سیستەمی دوو چینی: چینی یەکەم (خێرا) تەنها بەرپرسە لە بیستن، قسەکردن و کاردانەوەی دەستبەجێ. چینی دووەم (قووڵ) لە پشتەوە خەریکی بیرکردنەوەی ئاڵۆز، شیکاری و بەکارهێنانی ئامرازەکانە. بۆیە کاتێک داوایەکی قورسی لێ دەکەیت، چینی خێرا بەردەوام دەبێت لە گفتوگۆ لەگەڵتدا بەبێ ئەوەی هەست بکەیت سیستەمەکە "هەنگ"ی کردووە یان وەستاوە. نموونەی کرداری لە ژیانی ڕۆژانەدا 🌟 ئەم جۆرە کارلێکە تەنها بۆ نووسین نیە، بەڵکو لە دەنگ و ڤیدیۆدا زۆر ناوازەتر دەبێت: • فێربوونی زمان: کاتێک خەریکی ڕاهێنانی زمانێکی نوێیت، هەر کە وشەیەک بە هەڵە دەرببڕیت، سیستەمەکە یەکسەر قسەکەت پێ دەبڕێت و ڕاستی دەکاتەوە، نەک چاوەڕێ بێت تا تەواوی پەرەگڕافەکە تەواو دەکەیت.

• چاودێری کۆد و وەرزش: ئەگەر لە کاتی کۆدنووسیندا بیت و هەڵەیەک لەسەر شاشەکەت دەرکەوت، یەکسەر ئاگادارت دەکاتەوە. یان ئەگەر لە هۆڵی وەرزشیشدا بیت، دەتوانێت لە ڕێگەی کامێراوە ژمارەی تاقیکردنەوەکانت (Reps) بە زیندوویی بژمێرێت و ڕێنماییت بکات.

ئەم مۆدێلە لە تاقیکردنەوە ناوخۆییەکاندا لە مۆدێلەکانی OpenAI، Google و Alibaba باڵادەستتر بووە لە خێرایی و تێگەیشتنی قسە پێبڕیندا. بەڵام هێشتا کێشەی هەیە؛ وەک پێویستی بە هێڵی ئینتەرنێتی زۆر خێرا بەهۆی ستریمینی بەردەوامی دەنگ و ڤیدیۆ، و قورسی کۆنترۆڵکردنی داتای زۆری کۆبووەوە لە گفتوگۆ درێژەکاندا.

چێژی تەکنەلۆژیا لێرەیە 🥰 / سڵاو ڕێزی براتان ئەحمەد بیردۆز 😎💜 Ahmad Birdoz