لە مۆندیالی ٢٠٢٦ دەبێت تۆپی پێ وەک مۆبایل شەحن بکەیتەوە! ⚽️🔋

دیمەنەکە کەمێک سەیر و نامۆیە؛ پێش دەستپێکردنی یارییەکانی جامی جیهانی ٢٠٢٦، لەبەر دەرگای ژووری خۆگۆڕین، لەبری ئەوەی تەنها هەوا باوێتە ناو تۆپەکەوە، دەبێت وایەری شەحنەکەی لێ بکەیتەوە! وا دیارە تەکنەلۆژیا بەتەواوی جیهانی وەرزشی داگیرکردووە.

میدیاکان وا باسی دەکەن کە تۆپەکە بووبێتە کۆمپیوتەرێکی سەیری گۆڕەپانەکە، بەڵام لە ڕاستیدا ئەمە وەشانـێکی پەرەپێدراوتر و جێگیرتری ئەو تەکنەلۆژیایەیە کە سەرەتا لە مۆندیالی ٢٠٢٢ و یۆرۆی ٢٠٢٤ تاقیکرایەوە. لۆژیکـی پشت ئەم بیرۆکەیەش زۆر سادەیە و هیچ کاریگەرییەکی نەرێنی لەسەر کێش، پێکهاتە یان جووڵەی ئاسایی تۆپەکە لە کاتی یارییەکەدا نییە. ⚙️ تایبەتمەندیەکان: هەستەوەرێکی کێش سووک (IMU Sensor): لە چەق و ڕێک لە چەقی ناوەوەی تۆپەکەدا، هەستەوەرێکی یەکجار بچووکی ١٤ گرامی جێگیر کراوە. ئەم هەستەوەرە بە چەند تەلێکی تایبەت لە ناوەوە ڕاگیراوە بۆ ئەوەی لە کاتی شۆت لێدان و جووڵەدا لە جێی خۆی نەجووڵێت.

ناردنی داتا بە خێراییەکی سامناک: ئەم پێکهاتە ئەلیکترۆنیە لە یەک چرکەدا (500Hz) زانیاری ورد لەسەر شوێن، خێرایی و کاتی تەواوی بەرکەوتنی پێی یاریزانەکە بە تۆپەکە دەبنێرێت بۆ سێرڤەرەکان.

هاوکاری لەگەڵ ژیری دەستکرد: ئەم داتایانە بە شێوەیەکی ڕاستەوخۆ و لە هەمان چرکەدا (Real-time) هاوشێوە دەکرێن لەگەڵ سیستەمی کامێراکانی یاریگاکە کە چاودێریی جووڵەی ٢٩ خاڵی جەستەی یاریزانەکان دەکەن. ئەمەش یارمەتی بریکارە زیرەکەکانی ناو ژووری کۆنترۆڵی VAR دەدات بۆ دیاریکردنی تەسەلول (Offside) لە کاتی پاسداندا، تەنها لە چەند بەشێکی چرکەدا.

نهێنی بارگاوی کردنەوە: لەبەر ئەوەی هەستەوەرەکە ئامێرێکی ئەلیکترۆنی چالاکە، پێویستی بە پاترییەکی بچووکی ناوخۆیی هەیە. ئەم پاترییە پێش یارییەکە لەسەر سەکۆیەکی تایبەتی کێڵگەی موگناتیسی شەحن دەکرێتەوە و وزەی پێویست بۆ مانەوەی تۆپەکە بە زیندوویی لە کاتی یارییەکەدا دابین دەکات.

پوختەی قسە: تەکنەلۆژیا هاتووە بۆ ئەوەی هەڵەی مرۆیی ناوبژیوانان کەم بکاتەوە و بڕیارە چارەنووسسازەکان دادپەروەرانەتر بن، نەک بۆ ئەوەی سروشتی یارییەکە تێکبدات.

پێکەنینێکی تەکنیکی: بیر لەوە بکەرەوە هێرشبەرەکە بە تەنها بەرامبەر گۆڵچی ڕادەکات، ڕێک لەو کاتەدا ناوبژیوان فیکە لێدەدات و یارییەکە ڕادەگرێت، دەڵێت: "بوەستن! تۆپەکە شەحنی نەماوە و ئاگاداریی (Low Battery) داوە، با پاوەربانکێکی بۆ ببەستین پاشان شوتەکە بکە!" 😂 وا بڕوات لە مۆندیالەکانی داهاتوودا دەبێت یاریزانەکانیش پێش دەستپێکردنی یارییەکە ئەپدێتی سیستەمی کارپێکردن بۆ پێڵاوەکانیان بکەن تا هێڵی تەسەلول بە دروستی بخوێنێتەوە!

ئەی تۆ چی دەڵێیت؟ ئایا ئەم تێکەڵبوونی تەکنەلۆژیا و سەنعەتـی وەرزشە دادپەروەری زیاتر دەکات، یان چێژە کلاسیکیەکەی تۆپی پێ لەناو دەبات؟ 👇

چێژی تەکنەلۆژیا لێرەیە 🥰 ڕێز و سڵاوی براتان ئەحمەد بیردۆز 😎💜 Ahmad Birdoz