سامسۆنگ و چین: کاتێک "براند" بەرگەی "تەماتە" ناگرێت! 📺🏃‍♂️

"وەڵا دەستخۆش سامسۆنگ! یانی دوای ئەو هەموو ساڵە پۆز لێدان و نوێترین وەشان (Version)ی تەلەفزیۆنی قەوس و بێ قەوس ئێستاش لە پاشەکشەی😅 وا دیارە چینیەکان بە جۆرێک مشەوەشیان کردووی کە ئێستا دەڵێیت: 'من ناڕۆم، تەنها جێگەکەم دەگۆڕم بۆ ئەمریکا چونکە ئەوێ ئارامترە!'. کاکە گیان، بڵێ فەشەلمان هێنا 🥹 و بەرگەی ئەو هەموو تەکنەلۆژیا هەرزانەی ئەوانمان نەگرت، بۆچی دەیشاریتەوە🤔

سەیرکەن جیهان چۆن گۆڕاوە؛ جاران کە دەمانوت سامسۆنگ، وەک ئەوە وابوو بڵێیت 'مێرسیدس'، کەچی ئێستا کۆمپانیاکانی وەک Hisense و TCL وایان لێ کردوون، کە پۆزی تەکنەلۆژیاکەیان تەنها لە مۆزەخانەکاندا کار بکات. چینییەکان وایان لێ هاتووە، تەلەفزیۆنێکت بۆ دروست دەکەن، ئەوەندە ژیری (Intelligence) تێدایە، ئەگەر لێی بپرسیت 'نانی نیوەڕۆ چی بخۆم؟'، وەڵامت دەداتەوە، کەچی نرخەکەشی بەقەد نرخی فێنککەرەوەیەکی سامسۆنگ نیە!

ئێستا سامسۆنگ دەڵێت 'ئەمە کشانەوە نیە، بەڵکو بەڕێوەبردنی مەترسیە'. ئافەرم بۆ ئەم زاراوە جوانە! وەک ئەوە وایە لە یارییەکدا پێنج بە سفر بدۆڕێیت و بڵێیت 'من تەنها وزەم بۆ یاری داهاتوو هەڵگرتووە 😁 بەڕاستی لوتکەی پۆزی دیپلۆماسیە😄

کێشەکە ئەوەیە، لە بازاڕی چیندا تەنها ناوی بڕاند بەس نیە، دەبێت خەڵکەکە پەروەردە (Education) بکەیت کە بۆچی پارەی زیاترت پێ بدەن، بەڵام کاتێک تەلەفزیۆنێکی چینی هەمان ئیشت بۆ دەکات و کەمێکیش 'زیرەکترە' لەگەڵ ماڵە فەنتەڵۆسەکەت، ئیتر کێ دێت پارەی زیادە بدات بە سامسۆنگ؟

ئێستا سامسۆنگ ڕایکردووە بۆ ئەمریکا، چونکە لەوێ هێشتا خەڵکەکە متمانەیان پێیەتی و وەک ئێرە و چین نیە کە هەموو ڕۆژێک بریکار (Agent)ێکی نوێی تەکنەلۆژیا و کۆمپانیایەکی نوێ پەیدا بێت و بازاڕەکە تێک بدات.

پوختەی باسەکە: تەنانەت ئەگەر زەبەلاحیش بیت، کاتێک یاساکانی یارییەکە دەگۆڕێن و خەڵک زیاتر سەیری گیرفانی دەکات نەک لۆگۆکەی سەر شاشەکە، دەبێت جانتاکانت کۆ بکەیتەوە و بڵێیت: 'خواتان لەگەڵ، ئێمە لە شوێنێکی تر پۆز دەدەین!'."

ئەمە کورتەی حاڵی سامسۆنگ بوو لە چین؛ وادیارە ئەوانیش وەک ئێمە دەبێت فێری 'قەناعەت' ببن! 😂

حەزدەکەیت هیچ بابەتێکت لەکیس نەچێت و هەمووی لەبەردەستت بێت، چ کاتێک ویستت بیان خوێنیتەوە🤔 کەناڵێکی زۆر تایبەتی تیلیگرام چۆنە😎

داڕێژەی ناوەڕۆکی تەکنەلۆژی Ahmad Birdoz