کاتێک ژیریی دەستکرد ماوسەکەشت لێ دەسەنێت! 🖱️

وەڵا کاکە دەستخۆش! پێشتر کە پرسیارمان لە ژیریی دەستکرد دەکرد، وەک قسەزانی ناو دیوەخان تەنها وەڵامی دەداینەوە و دەبوایە خۆمان ئیشەکە بکەین. بەڵام ئێستا پڕۆژەیەکی نوێ بە ناوی Browser Use لە GitHub پەیدا بووە، دەڵێت: "کاکە لاچۆ خۆت ماندوو مەکە، با خۆم وێبسایتەکان بکەمەوە و کلیک بکەم!" یانی پێشتر تەنها دەیخوێندەوە، ئێستا بووە بە کرێکار و لەناو وێبدا "ئیش" دەکات.

🧠 ئەم کارەساتە چۆن کار دەکات 😀🎬

بە پشتبەستن بە Playwright، وێبسایتەکە دەکات بە داتایەک کە خۆی تێی بگات. یانی چاوەکانی دەکاتەوە و دەزانێت دوگمەکان، فۆڕمەکان و لینکەکان لە کوێن. وەکو مرۆڤێکی بێکار، بەناو لاپەڕەکاندا دەگەڕێت و لە سەرەتاوە تا کۆتایی ئیشەکانت بۆ جێبەجێ دەکات!

🚀 بۆ چی باشە ئەم بەڵایە🤔🥹

• پڕکردنەوەی فۆڕمی دامەزراندن: ئافەرم! با فۆڕمەکانمان بۆ پڕ بکاتەوە، هەرخۆی دامەزراندن نیە😅 با ئەم بریکارە (Agent)ـە خۆی پێوە ماندوو بکات😁

• کڕینی شتومەک: ئاگادار بن! ئەگەر سەیارەکەت خستە سەر ئۆتۆپایلۆت و ئەمیشت خستە سەر وێبسایتەکان، لەوانەیە بەیانی هەستیت ببیتە خاوەنی ١٠ كارتۆن سابوون و مەعجونی ددان کە بە پارەی خۆت کڕیویەتی! 😇

• کۆکردنەوەی داتا و گەڕان: خۆی بەناو وێبسایتەکاندا دەگەڕێت و زانیاریت بۆ کۆدەکاتەوە بێ ئەوەی دەستت لە کیبۆردەکە بدەیت.

🤖 کێ لە پشتیەتی؟ ئەم بریکارە پشتگیری مۆدێلە زەبەلاحەکانی وەک GPT-4o، Claude، و بێگومان Geminiش دەکات. وە خەمت نەبێت، وەشان (Version)ـێکی کلاودیشی هەیە بۆ ئەوانەی حەز بە ئاژاوە دەکەن؛ دەتوانێت بە دزییەوە (Incognito) بگەڕێت، و بەسەر CAPTCHAـدا باز بدات. یانی تەنانەت پێویست ناکات پێی بڵێیت "من ڕۆبۆت نیم"، چونکە هەرخۆی دەزانێت ڕۆبۆتە و شەرمی لێ ناکات!

💡 پوختەی قسە: لە جیاتی ئەوەی خۆت کۆپی و پەیست بکەیت و پەنجەکانت بئێشێت، ئەم ژیرییە خۆی دەچێتە ناو وێبسایتەکە و ئیشەکانت بۆ دەکات. تۆش تەنها قاچ بخەرە سەر قاچ و سەیری بکە چۆن ئیشەکانت لێ دەسەنێتەوە!

بۆ تاقیکردنەوە و دابەزاندن (ئەگەر زۆرت حەز لێیە): 📦 کۆدی دابەزاندن: uv add browser-use

🔗 لینکی گیت‌ هەب: github.com

🌐 وێبسایتی فەرمی: browser-use.com

(ئەمە کورتەی ئەو هەواڵە بوو، هیوادارم تاقی بکەیتەوە پێش ئەوەی ئەو تۆ تاقی بکاتەوە!) 😁

تەکنەلۆژیا بەزمانی کۆمیدیا

مافی پارێزراوە بۆ براتان: ئەحمەد بیردۆز 😎

Ahmad Birdoz