ڕێککەوتنی سەدە؛ گووگڵ دەبێتە "مێشک" بۆ ئایفۆنەکانی داهاتوو! 🤝🍎☁️

لە هەنگاوێکی مێژوویدا، ئەپڵ و گووگڵ ڕێککەوتنێکی ٥ ملیار دۆلارییان واژۆ کرد. بەپێی ئەم ڕێککەوتنە، ئەپڵ مۆدێلێکی تایبەتی Gemini بەکاردەهێنێت کە زۆر لەوەی ئێستا هەیە بەهێزترە (١.٢ تریلیۆن پارامیتەر). تەنانەت Siri لە وەشانی iOS 27 دا بە تەواوی پشت بە ژێرخانی گووگڵ دەبەستێت. ئەمە گەورەترین هاوپەیمانیەتیە بۆ کۆنترۆڵکردنی جیهانی ژیریی دەستکرد.

هاوپەیمانیەتی زەبەلاحەکان؛ کاتێک Apple و Google پێکەوە جیهان دەگۆڕن ئەوەی لە کۆنگرەی Google Cloud Next 2026 ڕوویدا، کۆتایی بە سەردەمی ڕکابەریە کلاسیکیەکان هێنا. ئەپڵ کە هەمیشە بە "داخراوی" و سەربەخۆیی دەناسرا، دەرگاکانی بۆ گووگڵ واڵا کرد تا پێکەوە زیرەکترین نەوەی ئایفۆن دروست بکەن.

وردەکاریی ڕێککەوتنە ملیاردیەکە: ئەم هاوکاریە تەنها واژۆکردنی کاغەزێک نیە، بەڵکو گۆڕانکاریەکی بنەڕەتیە لە پێکهاتەی ئایفۆندا:

• گرێبەستی ٥ ملیار دۆلاری: ئەپڵ دەبێتە یەکێک لە گەورەترین کڕیارانی خزمەتگوزاریەکانی گووگڵ کڵاود (Google Cloud).

• مۆدێلێکی تایبەت و بێوێنە: ئەپڵ ساڵانە ١ ملیار دۆلار دەدات تەنها بۆ بەکارهێنانی وەشانی تایبەتی Gemini کە خاوەنی ١.٢ تریلیۆن پارامیتەرە. ئەم مۆدێلە لەسەر سێرڤەرە تایبەتەکانی ئەپڵ کار دەکات بۆ ئەوەی خێرایی و پارێزبەندیەکی بێوێنەی هەبێت.

یاریدەدەری Siri بە "کۆدی" گووگڵ تێدەگات: لە سیستمی iOS 27 دا، یاریدەدەری دەنگی Siri چیتر ئەو یاریدەدەرە سادەیەی جاران نابێت. بەڵکو بە تەواوی پشت بە ژێرخانی TPUـی گووگڵ دەبەستێت. ئەمە وادەکات Siri بتوانێت وەک مرۆڤێک گفتوگۆ بکات و ئاڵۆزترین فرمانەکان جێبەجێ بکات، بە ڕادەیەک کە دەتوانێت ڕکابەری Gemini 3ـی داهاتووش بکات.

ئەی پاراستنی زانیاریەکان (Privacy) چی لێ دێت؟

ئەمە ئەو پرسیارەیە کە هەموو بەکارهێنەرێکی ئەپڵ دەیکات. ئەپڵ دڵنیایی دەدات کە:

1. هەموو داتاکان بە شێوەی Stateless (بێ پاشکۆ) مامەڵەیان لەگەڵ دەکرێت؛ واتە سێرڤەرەکان زانیاریەکان پاشەکەوت ناکەن.

2. زانیاریەکان بە شێوەیەک کۆد دەکرێن (Encryption) کە تەنانەت گووگڵیش نەتوانێت بیخوێنێتەوە.

ئەنجامی ئەم هاوسەرگیریە تەکنەلۆژیە 🥰😅

بۆ ئەپڵ: ئەمە ڕێگایەکی خێرایە بۆ گەیشتنەوە بە کاروانی ژیریی دەستکرد بەبێ ئەوەی چەندین ساڵی تر لە تاقیگەکاندا کات بەفیڕۆ بدات.

بۆ گووگڵ: ئەمە سەرکەوتنێکی گەورەی بازرگانیە و سەلمێنەری ئەوەیە کە مۆدێلەکانی Gemini و (Cloud) لە هەمووان پێشەنگترن.

ئەحمەد بێردۆز لێتان دەپرسێت: پێت وایە ئەم هاوکاریە دەبێتە هۆی ئەوەی ئایفۆن ببێتە "باشترین مۆبایلی زیرەک" لە مێژوودا، یان بەستنەوەی مێشکی ئایفۆن بە سێرڤەرەکانی گووگڵەوە مەترسیە بۆ سەر سەربەخۆیی ئەپڵ؟

چاوەرێی شتی نوێ بن... خزمەتێکی نوێ و شێوازێکی نوێ چاوەڕێتانە😎🥰🔥

ئەحمەد بیردۆز شارەزا و داڕێژەری ناوەڕۆکی تەکنەلۆژی

Ahmad Birdoz