لە کارگەکانی نیمچەگەیەنەرەکاندا (Semiconductors) هیچ نمایشێکی سەرنجڕاکێش یان پلاتفۆرمێکی درەوشاوە بوونی نیە، بەڵکو تەنها ژووری سپی بێدەنگن کە ژمارەکان و ڕێژەی بەرهەمهێنانی هەر چیپێکی (Chip) سیلیکۆن حو

ڕاپۆرتەکان ئاماژە بەوە دەکەن کە کۆمپانیای "هوا هۆنگ"ی چینی ئامادەکاری دەکات بۆ بەرهەمهێنانی چیپەکان بە وردی ٧ نانۆمەتر لە کارگەکەی لە شەنگەهای، بەمەش دەبێتە دووەم کۆمپانیای چینی کە دوای SMIC بگاتە ئەم ئاستە. ئەمە هەنگاوێکی گرنگە لە کاروانی چین بەرەو کەمکردنەوەی پشتبەستن بە دەرەوە، بەتایبەتی دوای ئەو سزایانەی کە ڕێگرییان لە کۆمپانیاکانی کرد بگەنە کارگەکانی وەک TSMC.

ڕاستە تەکنەلۆژیای ٧ نانۆمەتر نوێترین تەکنەلۆژیا نیە لە جیهاندا، بەڵام هێشتا وردیەکی پێشکەوتووە و توانای کارپێکردنی ئەپڵیکەیشنە بەهێزەکانی ژیری دەستکردی هەیە بە کاراییەکی باش. لێرەدا ڕەهەندە ستراتیژیەکە دەردەکەوێت، چونکە خاوەندارێتی ئەم توانایە لە ناوخۆدا، واتە بەهێزکردنی کەرتی ژیری دەستکردی چین لە ناوەوە.

ڕاپۆرتەکان باس لە هاوکاریەکی ئەگەری لە نێوان "هوا هۆنگ" و "هواوی" دەکەن بۆ پەرەپێدانی چیپێکی ژیری دەستکرد بەم وردیە، وەک هەوڵێک لەلایەن هواوی بۆ دووبارە بونیادنانەوەی سیستەمە تەکنەلۆژیەکەی دوای چەندین ساڵ لە سنووردارکردن. ئەمەش پەیوەندی بە چوارچێوەیەکی سیاسی فراوانترەوە هەیە، بەتایبەتی لەگەڵ سووککردنی هەندێک سنووربەندی هەناردەکردن و ڕێگەدان بە فرۆشتنی وەشانی دیاریکراوی چیپەکانی ئینڤیدیا لە ناو چیندا، لە بەرامبەر سووربوونی پەکین لەسەر پاڵپشتیکردنی جێگرەوە ناوخۆییەکان.

بەڵام گەیشتن بە ٧ نانۆمەتر کۆتایی ڕێگەکە نیە، ڕکابەریە ڕاستەقینەکە بریتیە لە "ڕێژەی بەرهەمهێنان" (Yield rate) و جۆری چیپەکان، چونکە دابەزینی ڕێژەی بەرهەم تێچووەکە بەرز دەکاتەوە و بڕی بەرهەمی بەردەست سنووردار دەکات. ئەمەش واتە سەرکەوتنی ڕاستەقینە تەنها بە ڕاگەیاندنی تەکنەلۆژیاکە ناپێورێت، بەڵکو بە توانای کارکردنی بە سەقامگیری لە ژێر پەستانی بەرهەمهێنانی بازرگانیدا دەپێورێت.

ئەوەی جێی سەرنجە ئەوەیە کە گەشەپێدانەکە زیاتر و زیاتر پشت بە دابینکەرە ناوخۆییەکان و ئەو ئامێرانە دەبەستێت کە لە ناوخۆدا باشتر کراون، سەرەڕای سنووردارکردنی تەکنەلۆژیا پێشکەوتووەکانی چاپکردنی تیشکی (Lithography). لێرەدا وێنەکە ڕوونتر دەبێت؛ چین تەنها هەوڵ نادات بگاتەوە بە باشترینەکان، بەڵکو دەیەوێت سیستەمێکی نیمچەگەیەنەری "خۆبژێو" بنیاد بنێت، تەنانەت ئەگەر لە لووتکەی جیهانیش کەمێک دواکەوتووتر بێت.

ئەگەر "هوا هۆنگ" سەرکەوتوو بێت لە جێگیرکردنی بەرهەمهێنانێکی بەردەوام، ڕەنگە کۆمپانیا چینیەکانی دیزاینکردنی چیپ جێگرەوەیەکی ناوخۆییان دەست بکەوێت دوای ئەوەی بژاردەی تایوانیان لەدەستدا. لە کۆتاییدا، هاوکێشەکە چیتر تەنها ئەوە نییە کێ بەهێزترین چیپی هەیە، بەڵکو ئەوەیە کێ خاوەنی زنجیرەیەکی تەواوە؛ لە دیزاینەوە تا بەرهەمهێنان، بەبێ ئەوەی چاوەڕێی بڕیارێکی دەرەکی بێت.

#AhmadBirdoz #BirdozTech #ژیان٠٠لەگەڵ٠٠تەکنەلۆژیا