لە گۆڕانکارییەکدا کە پێشخستنی قازانج بەسەر حەز و ئارەزوودا نیشان دەدات، تۆیۆتا بڕیاریدا سەرۆکی جێبەجێکاری بگۆڕێت، دوای قۆناغێک کە تێیدا ئۆتۆمبێلی زیاتری فرۆشت بەڵام قازانجی کەمتری بەدەستهێنا.

بڕیارەکە لە کاتێکی هەستیاردا دێت، لە ناوەڕاستی فشارە زیادبووەکانی ڕکابەرە چینییەکان و باجە گومرگیەکانی ئەمریکا و نائارامی ئابووریی جیهانیدا.

دوای زیاتر لە دوو ساڵ لە وەرگرتنی پۆستەکە لەلایەن کۆجی ساتۆوە، تۆیۆتا کینتا کۆن (٥٧ ساڵ)ی وەک سەرۆکی جێبەجێکاری نوێ دەستنیشان کرد، دوای ئەوەی لە ساڵی ٢٠٢٠ەوە پۆستی بەڕێوەبەری دارایی بەڕێوەدەبرد.

بە پێچەوانەی پێشینەکانییەوە، کۆن بە "پیاوی ژمارەکان" ناسراوە نەک "پیاوی ئۆتۆمبێل"، سەرەڕای ئەوەی لە ساڵی ١٩٩١ەوە لە کۆمپانیاکەدا کاردەکات و ماوەیەکی درێژە لە سەرکردایەتیی تۆیۆتاوە نزیکە.

لە ماوەی کارکردنی کۆن وەک بەڕێوەبەری دارایی، تۆیۆتای بە بەهێزییەوە بەرەو خزمەتگوزاری و بەشداریکردن (subscriptions) پاڵنا، شانبەشانی فرۆشتنی ئۆتۆمبێل، وەک هەوڵێک بۆ بەرزکردنەوەی قازانج. ئەم ئاراستەیە بۆ ئەنجومەنی کارگێڕی سەرنجڕاکێش بوو، بەتایبەتی لەگەڵ کەمبوونەوەی پەراوێزی قازانج و توندبوونەوەی ڕکابەریی جیهانی.

سەبارەت بە ساتۆ، دەگوازرێتەوە بۆ پۆستی جێگری سەرۆکی ئەنجومەنی کارگێڕی، سەرباری ڕۆڵێکی نوێ وەک سەرۆکی کاروباری پیشەسازی، بە تەرکیزکردن لەسەر هاوکاریی پیشەسازی و کارایی بەرهەمهێنان.

ئەم گۆڕانکارییە دوای ئەوە دێت کە فرۆشی تۆیۆتا بە ڕێژەی ٣٪ بەرزبووەوە، لە بەرامبەردا قازانجە کارپێکەرییەکانی بە ڕێژەی ١.٩٪ دابەزی، لەگەڵ پێشبینیی دابەزینێکی ساڵانە کە دەگاتە ٢١٪، ئەمەش بە ڕوونی گرەوکردن لەسەر پیاوی دارایی بۆ قۆناغی داهاتوو ڕوون دەکاتەوە.

#AhmadBirdoz #BirdozTech