مایباخ لە لێواری مەرگ دایە

ئەوەی وەک تەماحێکی بوێرانە بۆ ڕکابەریکردنی "مایباخ" دەستی پێکرد، بە خێرایی بوو بە واقیعێک کە هاوکێشەکانی گۆڕی! تەنیا لە ماوەی یەک ساڵدا، ئۆتۆمبێلی Maextro S800 بازاڕەکانی تەنی و بوو بە پڕفرۆشترین سێدانی گرانبەها لە چین لەو پۆلەدا کە نرخەکەیان لە ١٠٠ هەزار دۆلار زیاترە، بەمەش دەسپێکی پاشەکشەی هەژموونی بڕاندە بیانییەکانی لە لوتکەی گرانبەهاییدا ڕاگەیاند.

بەپێی ڕاپۆرتێکی ئاژانسی "بلومبێرگ"، لە مانگی تشرینی دووەمدا S800 لە کۆی فرۆشی هەردوو ئۆتۆمبێلی پۆرشێ پانامێرا و بی ئێم دەبلیو (نەوەی حەوتەم) پێکەوە زیاتر بووە، تەنانەت لە فرۆشی مارسیدس S-Class و مۆدێلە زۆر گرانبەهاکەی (مایباخ)ـیش تێپەڕی کردووە.

لە هەمان کاتدا، "چو شیاومین" کە شارەزایەکی بازاڕی ئۆتۆمبێلی چینیە، ئاماژەی بەوە کرد کە کۆمپانیاکە لە ماوەی تەنیا ١٧٥ ڕۆژدا لە کاتی ڕاگەیاندنیەوە نزیکەی ١٨ هەزار داواکاری پێگەیشتووە، لە ئێستاشدا مانگانە زیاتر لە ٢,٠٠٠ ئۆتۆمبێل دەفرۆشێت، لەگەڵ هەبوونی پلان بۆ زیادکردنی بەرهەمهێنان بۆ ٤,٠٠٠ یەکە.

تەنیا نرخی ڕکابەری خاڵی سەرکەوتنی نەبوو، بەڵکو ئەو تێکەڵە سەرسوڕهێنەرەی نێوان تەرەف و زیرەکی بوو؛ لە ژوورێکی ناوەوەی سینەمایی و سەقفی ڕووناککەرەوەوە بیگرە تاوەکو دەرگا ئۆتۆماتیکیەکان، ئەزموونەکە بە سیستەمی لێخوڕینی شۆڕشگێڕانەی "هواوی" تەواو دەبێت، تاوەکو S800 لە ڕووی گرانبەهای و تەکنەلۆژیاوە لە ڕکابەرە ئەوروپییەکانی تێپەڕ بکات.

ئۆتۆمبێلەکە بە هاوکێشەیەکی نرخی سەرسوڕهێنەر کە لە نێوان ١٠٠,٦٠٠ بۆ ١٤٤,٩٠٠ دۆلاردایە هەژموونی خۆی دەسەپێنێت، ئەمەش ژمارەیەکە کە ڕکابەرەکانی خستووەتە تەنگژەیەکی ڕاستەقینەوە؛ چونکە لە کاتێکدا بی ئێم دەبلیو (نەوەی حەوتەم) لە ١٣٠,٠٠٠ دۆلار و پۆرشێ پانامێرا لە ١٥٦,٠٠٠ دۆلارەوە دەست پێدەکات، مارسیدس S-Class بۆ ٢٠٨,٠٠٠ دۆلار بەرز دەبێتەوە.

لەگەڵ بەردەوامی دابەزینی پشکی سێ کوچکە ئەڵمانییەکە (بی ئێم دەبلیو، مارسیدس و ئۆدی)، وا دیارە بازاڕی چین پێ دەنێتە قۆناغێکی نوێوە کە تەکنەلۆژیا و نرخی زیرەک ڕێبەرایەتی دەکەن، نەک تەنیا ناو و ناوبانگ.

#AhmadBirdoz #BirdozTech