بۆچی ئەپڵ زۆربەی ناوی بەرهەمەکانی بەپیتی ئای دەستپێدەکات؟

زۆربەی ئامێرو بەرهەمەکانی کۆمپانیای ئەپڵ بەپیتی ئای (i) دەست پێدەکات وەکو ئایفۆن و ئایپاد و ئایماک و ئایتونز، ئەمەش دەبێتە جیاکەرەیەک بۆ کۆمپانیاکەو بەرهەمەکانی. بۆ یەکەمجار ئەپڵ لە کۆمپیوتەری (ئای ماک) بەکاری هێنا لەساڵی 1998 پاشان بەردەوام بوو لە بە کارهێنانی لەبەرهەمەکانی تری.

بەگوێرەی ڕای ستیڤ جۆبز، دامەزرێنەری کۆمپانیاکە زۆر وشە لەزمانی ئینگلیزی بەپیتی ( i ) دەست پێدەکات لەنێوانیشیان: ئینتەرنێت Internet یان کەسی individual یان ڕێنمایی  instruct  یان پێزانین inform یان ئیلهام inspire.

ئامێری (ئای ماک) لەبازاڕەکان بڵاوکرایەوە کاتێک کە جیهان بە پەرۆشەوە بۆ بەکارهێنانی ئینتەرنێت، ئەمەش بووە هۆی دروست بوونی ڕکابەریەکی بەهێز لەنێوان بەرهەمهێنەرانی کۆمپیوتەر ئەو کات. بەپێی لێکدانەوەی سایتی (بیزنس ئینسایدەر) بێت ئەو پیتە دەگەڕێتەوە بۆ وشەی Internet، بەمەش دەگەینە ئەو ئەنجامەی کەناوی کۆمپیوتەری iMac واتا Internet Mac وە مۆبایلی iPhone واتا Internet Phone.

دەێ ئاماژە بەوەش بکەین ئەپڵ لەهەندێک بەرهەم بەکاری نەهێناوە لەبەر هۆکاری جیاواز، بۆ نمونە کاتژمێرە زیرەکەکەی ئەبوایە ناوی iWatch بوایە بەڵام نەیتوانی بەکاری بهێنێ چونکە پێشتر لەلایەن کۆمپانیایەکی تر بەکاریهێنرابوو، بەمەس ئەپڵ ناچاربوو ناوی Apple watch بەکاربهێنێ، هەمان شتیش لەگەڵ بڵندگۆی HomePod ڕوویدا. لەکۆتاییدا دەڵێم دەبێ ئەپڵ دووبارە بەکاریبهێنێتەوە لەگەڵ بەرهەمە چاوەڕوانکراوەکەی و ببێتە iCar لەوانەیە ؟