وێنای ئەوە بکە بتوانیت لەناو سەدان کاتژمێر ڤیدیۆی کەناڵێکی یوتیوبدا وەڵامی هەر پرسیارێک بدۆزیتەوە، تەنیا بە پرسیارکردن لە زیرەکی دەستکرد!

پڕۆژەیەکی نوێی سەرچاوەکراوە (Open-Source) لەسەر سەکۆی GitHub بڵاوکراوەتەوە بە ناوی VideoRAG کە ئەم توانایە نایابەت پێدەبەخشێت.

بیرۆکەکەی زۆر سادەیە: سیستەمێکە ڕێگەت پێدەدات ئاخاوتن لەگەڵ ڤیدیۆ زۆر درێژەکاندا بکەیت، ڕێک وەک ئەوەی پرسیار لە هاوڕێیەک بکەیت کە سەیری تەواوی ڤیدیۆکانی کردووە! ئەم ئامرازە تەنیا قسەکان ناکاتە دەق، بەڵکو زۆر قووڵتر کاردەکات:

🎬 دیمەنەکان دەخوێنێتەوە و تێیان دەگات. 🧩 بەپێی واتا و ڕووداوەکان کەرتیان دەکات. 🗺️ نەخشەیەکی زانیاریی تەواو دروست دەکات؛ واتە ئەگەر پرسیاری ڕووداوێکی کاتژمێری یەکەم و پەیوەندیی بە کاتژمێری بیستەمەوە لێبکەیت، زۆر بە دروستی بە چرکە و خولەک وەڵامت دەداتەوە.

چەند نموونەیەک لە بەکارهێنانی کرداریی ئەم ئامرازە: ▫️ لە مۆنتاژ و فیلمسازیدا: لەبری گەڕانی ماندووکەر لەناو دەستەیەک دیمەنی خاودا، تەنیا دەنووسیت: "ئەم دیمەنەم بۆ بهێنە کە ئەکتەرەکە تێیدا بێبەرهەم و خۆرسکانە پێدەکەنێت"، بە چرکە بۆت دەدۆزێتەوە.

▫️ لە پۆدکاست و چاوپێکەوتندا: لە پۆدکاستێکی ٣ کاتژمێریدا ڕاستەوخۆ دەپرسیت: "میوانەکە چی گووت دەربارەی دەستپێکی کارکردن؟" و دەستبەجێ بەشەکەت پێدەڵێت.

▫️ لە خوێندن و خولەکاندا: لە خولێکی ٢٠ کاتژمێریدا دەتوانیت لە چەند چرکەیەکدا بەشی شیکردنەوەی بابەتێکی تایبەت بدۆزیتەوە.

تیمی توێژینەوەکە نەرمەواڵەیەکی کۆمپیوتەری ئامادەشیان خستووەتە ڕوو؛ تەنیا ڤیدیۆکەی تێدا دادەنێیت و دەست بە پرسیارکردن دەکەیت.

ئەگەر خولیای بەکارهێنانی قووڵترین و بەهێزترین ئامرازەکانی زیرەکی دەستکردیت، فۆڵۆمان بکە تا هەمیشە هەنگاوێک لەپێش هەمووانەوە بیت.

— ئەحمەد بیردۆز