👋 دوێنێ گووگڵ لە کۆنگرەی The Android Show I/O Edition 2026 تەقینەوەیەکی گەورەی لە جیهانی تەکنەلۆژیا دروست کرد. ئەگەر کاتت کەمە و دەتەوێت بزانیت چی ڕوویداوە، ئەمە کورتەی بابەتەکەیە:

📌 تایبەتمەندی Gemini Intelligence: زیرەکی دەستکرد بووەتە بریکار (Agent) و هەموو ئیشێکی ناو مۆبایل و ئینتەرنێتیشت بۆ دەکات. 🤖

تایبەتمەندی Rambler: قسە بکە و باق و بریق بدە، ئەو خۆی قسە پەرش و بڵاوەکانت بۆ دەکاتە دەقێکی زۆر ڕێک. 🎙️

تایبەتمەندی Create My Widget: بە دەنگ پێی بڵێ چ جۆرە ویدجێتێکت دەوێت، ئەو بۆت دروست دەکات. 🎨

ئەندرۆید ئۆتۆ: نەخشەی سێ ڕەهەندی (3D) و سەیرکردنی یوتیوب لەناو ئۆتۆمبێل (بەڵام تەنها کە وەستاویت، بۆ ئەوەی خۆت بە کوشت نەدەیت! 🚗💨).

لاپتۆپی Google Book: لاپتۆپێکی نوێ کە تەواو لەسەر زیرەکی دەستکرد کار دەکات و ماوسەکەی "بێ حەلە". 💻

🔍 وردەکاری تەواوی کۆنگرەکە (بۆ ئاشقانی تەکنەلۆژیا): 1️⃣ سیستەمی زیرەکی جێمینای (Gemini Intelligence) 🧠 گووگڵ جێمینای لە "وەڵامدەرەوە" گۆڕی بۆ "بریکار" (Agent). ئێستا تەنها چات نیە، بەڵکو دەچێتە ناو وردەکاری ئامێرەکەت. » چی دەکات؟ بۆ نموونە وێنەی برۆشورێکی گەشتکردن (Travel Brochure) دەگریت، پێی دەڵێیت: "بۆ ٦ کەس گەشتێکی ئاوام بۆ ڕێکبخە"، ئەو دەچێت لە ئینتەرنێت هۆتێل و بلیتی فڕۆکە و هەموو شتێک دەدۆزێتەوە و ئامادەی دەکات.

» لە وێبگەڕی کرۆمیشدا خۆی فۆرمەکانت بۆ پڕ دەکاتەوە و کڕینی شتومەکت بۆ ئاسان دەکات. واتە ئیشی "سکرتێر"ێکی ڕاستەقینەت بۆ دەکات.

2️⃣ تایبەتمەندی ڕامبلەر (Rambler) 🗣️ هەموومان لەکاتی قسەکردندا هەندێک جار دەڵێین "ئوووم، ئااا، ئۆۆۆ" یان قسەمان بیر دەچێتەوە. ڕامبلەر لێرەدا دەبێتە فریادڕەس! » کاتێک بە دەنگ (Voice-to-text) دەنووسیت، ئەم تایبەتمەندیە هەموو وشە زیادەکان لادەبات و تەنها ناوەڕۆکە گرنگەکە بە ڕێزمانێکی ڕێک و پێک دەنووسێتەوە.

» خۆشتر لەوە، ئەگەر چەند زمانێک (Multi-language) تێکەڵ بکەیت، ئەو تێدەگات و بە ڕێکی بۆت دادەڕێژێتەوە.

3️⃣ ویدجێتی خۆت دروست بکە (Create My Widget) 📱 ئیتر پێویست ناکات بەدوای ویدجێتی ئامادەکراودا بگەڕێیت. تەنها پێی بڵێ: "ویدجێتێکم دەوێت هەفتانە سێ ژەمی تەندروست و پڕ پرۆتینم پیشان بدات"، جێمینای ڕاستەوخۆ دیزاینی دەکات و دەیخاتە سەر شاشەی مۆبایلەکەت یان کاتژمێرە زیرەکەکەت (Smartwatch).

4️⃣ ئەندرۆید ئۆتۆ (Android Auto) 🚘 سیستەمی ناو ئۆتۆمبێل ئێستا زۆر زیرەکتر بووە:

» نەخشەی 3D: شەقام و بیناکان بە ڕاستی دەبینیت و لەڕێگەی کامێرای پێشەوەی سەیارەکەوە ڕێگاکەت نیشان دەدات.

» کات بەسەربردن: کاتێک لە ترافیکیت یان چاوەڕێی، دەتوانیت یوتیوب بە کوالێتی بەرز ببینی. بەڵام ئاگاداربە! هەر کە دەستت بە جوڵە کرد، ڤیدیۆکە دەکوژێتەوە و تەنها دەنگەکەی دەمێنێت بۆ ئەوەی تووشی ڕووداو نەبیت. 🛑

» پرسیاری سەیر: دەتوانیت لە جێمینای بپرسیت: "ئایا ئەم تەلەفزیۆنە گەورەیە جێگەی لە سندوقی سەیارەکەمدا دەبێتەوە؟"، ئەویش چونکە قەبارەی سەیارەکەت دەزانێت، پێت دەڵێت بەڵێ یان نەخێر! (ئیتر پێویست بە مەتر و پێوانە ناکات 😂).

5️⃣ لاپتۆپی گووگڵ بووک (Google Book) 💻 ئەمە تەنها لاپتۆپێکی ئاسایی نیە، بەڵکو "Gemini-powered"ـە. تایبەتمەندی Magic Pointer: نیشاندەری ماوسەکە زۆر زیرەکە. کاتێک دەچێتە سەر ئیمەیڵێک یان بەروارێک، یەکسەر پێشنیارت بۆ دەکات کە خشتەی بۆ دابنێیت (Schedule).

تێکەڵبوونی مۆبایل: ئەپەکانی ناو مۆبایلەکەت ڕاستەوخۆ لەسەر لاپتۆپەکە دەکرێنەوە بێ ئەوەی دایانبەزێنیت. وەک ئەوە وایە مۆبایلەکەت و لاپتۆپەکەت بووبنە یەک جەستە. 🎭 بەشی کۆمیدی: دۆخی ئێمە و ئەم تەکنەلۆژیایە! وەڵا برادەرینە، وای لێهاتووە ئەگەر بە جێمینای بڵێیت "حەزم لە کفتەیە"، ئەوەندە زیرەکە دەچێت سەیری سندوقی سەیارەکەت دەکات بزانێت مەنجەڵی تێدایە یان نا! 😂 ئەو "ڕامبلەر"ەش دەردی زۆربەمان دەرمان دەکات، ئیشی ئەو برادەرەمان بۆ دەکات کە لە کۆڕ و مەجلیسدا قسەمان بۆ ڕاست دەکاتەوە و دەڵێت "مەبەستی ئەوەیە...".

خۆ ئەو لاپتۆپە نوێیەش (Google Book) وای لێهاتووە ئەگەر دوو وێنەی بدەیتێ، خۆی "فۆتۆشۆپ"یان دەکات و تێکەڵیان دەکات؛ ئیتر پێویست ناکات نیو سەعات خەریکی بڕین و لکاندن بیت. تەنها ماوە بڵێین: "دەست خۆش گووگڵ، بەس ماوە جێمینای بنێریت بۆ نان کڕین!" 🥖🏃‍♂️

ئەحمەد بیردۆز نووسەر و شیکەرەوەی تەکنەلۆژی

Ahmad Birdoz