هەمیشە دەمانوت: "ئەوەندە مەچۆرە سەر شاشەی مۆبایلەکەت، دەروونت تێکدەچێت!" 📱🧠

بەڵام زانست دەڵێت کێشەکە تەنها "ژمارەی کاتژمێرەکان" نیە، بەڵکو ئەوەیە کە لەناو شاشەکەدا خەریکی چیت! توێژینەوەیەکی گەورە لەسەر زیاتر لە ١١ هەزار مێرمنداڵ لە بەریتانیا (لە زانکۆی ویلایەتی سان دیێگۆ) ئەنجام دراوە و دەرئەنجامێکی زۆر چاوەڕواننەکراوی ئاشکرا کردووە: ئەوانەی کاتەکانیان بە سۆشیال میدیا و گەڕان لە ئینتەرنێتدا بەسەردەبەن، زۆر زیاتر لەوانەی "یارییە ڤیدیۆییەکان دەکەن، نیشانەکانی خەمۆکی، بێزاری لە ژیان، و لەدەستدانی متمانە بەخۆبوونیان تێدا دەرکەوتووە! 🎮📉

هۆکارەکەی چیە؟ لە زانکۆی یڵدز توێژینەوەیەکی تر وەڵامەکەمان دەداتێ: تۆ کاتێک یاریەکی ئەلیکترۆنی دەکەیت، مێشکت لە دۆخی سەرنجدان، کێبڕکێ و پەیوەندی ڕاستەوخۆدایە لەگەڵ هاوڕێکانت. بەڵام کاتێک دەست دەکەیت بە دیاردەی Doomscrolling (واتە شۆڕبوونەوەی بێ کۆتایی بەناو ڕیڵز و شۆرتس و هەواڵە ناخۆشەکان)، مێشکت دەکەوێتە دۆخێکی نەرێنی و بەراوردکاریەکی بێزارکەر لەگەڵ ژیانی ساختەی خەڵک، کە دڵەڕاوکێ و ڕەشبینی بەرهەمدەهێنێت 🌀💔.

⚠️ بێگومان با تووشی هەڵە نەبین! ئەمە مانای ئەوە نیە گەیمینگ چارەسەری دەروونیە یان سۆشیال میدیا تاوانباری ڕەهایە؛ توێژینەوەکە دەڵێت ئەمە پەیوەندیەکی هۆشیارییە، لەوانەیە خودی ئەو کەسانەی لە دۆخی دەروونی خراپدان زیاتر ڕابکەنە ناو مۆبایلەکانیان.

بەڵام خاڵی جەوهەری ئەمەیە: سروشتی ئەو شتەی سەیری دەکەیت، زۆر لە کاتی سەیرکردنەکە گرنگترە! ئەگەر سێ کاتژمێر یاریەک لەگەڵ هاوڕێکانت بکەیت و پێبکەنیت، لەوانەیە کەمتر زیانت پێ بگەیەنێت وەک لەوەی یەک کاتژمێر لە ژێر پێخەفەکەتدا دابنیشیت و بەبێ ئامانج هەواڵی شەڕ و کارەسات و فلتەری دەموچاوی خەڵک لە ئینستاگرام بسوڕێنیت 🛌📉

ڕۆژانە چەند کاتژمێر بە دیار شۆڕکردنەوەی بێ ئامانجی سۆشیال میدیاوە بەسەر دەبەیت؟ هەستت پێ کردووە چۆن وزەی مێشکت دەمژێت؟ 👇

ئەحمەد بیردۆز