🔥 ٢٥٠ هەزار دۆلاری وەبەرهێنا… پێدەچێت ببێتە زیاتر لە ٦٠ ملیۆن دۆلار!

خەیاڵی ئەوە بکە ٢٥٠ هەزار دۆلار لە ستارتئەپێکی زیرەکی دەستکرددا دابنێیت، و دوای نزیکەی ٨ ساڵ، بەهای خەمڵێنراوی ئەو وەبەرهێنانەت بگاتە زیاتر لە ٦٠ ملیۆن دۆلار! ئەمە چیرۆکی وەبەرهێنەرێکی ئاسایی نیە، بەڵکو چیرۆکی ئەستێرەی خولی باسکەی ئەمریکی (NBA) کێڤن دورانت (Kevin Durant) و هاوبەشی کارەکەی ڕیچ کلایمانە (Rich Kleiman). لە ساڵی ٢٠١٨دا، دورانت نزیکەی ١٠٠ هەزار دۆلاری لە قۆناغی سەرەتایی وەبەرهێنانی کۆمپانیای Hugging Face دانا، پاشان لە ساڵی ٢٠١٩دا نزیکەی ١٥٠ هەزار دۆلاری دیکەی لە گەڕی دواتردا زیاد کرد، بەمەش کۆی وەبەرهێنانەکەی گەیشتە ٢٥٠ هەزار دۆلار. لەو کاتەوە تا ئێستا، Hugging Face لە کۆمپانیایەکی بچووکی تازە پێگەیشتووەوە بوو بە یەکێک لە دیارترین پلاتفۆرمەکانی زیرەکی دەستکردی سەرچاوەکراوە (Open Source)، کە گەشەپێدەران بە تەواوی پشتی پێ دەبەستن بۆ دەستگەیشتن بە مۆدێلەکان، داتا و ئامرازەکانی زیرەکی دەستکرد.

ئێستاش بەپێی ڕاپۆرتە نوێیەکان، کۆمپانیای Nvidia ڕەزامەندی دەربڕیوە لەسەر کڕینەوە و بەدەستهێنانی پلاتفۆرمی Hugging Face بەرامبەر نزیکەی ١٢.٩ ملیار دۆلار، هەرچەندە بەشێک لە ڕاپۆرتەکان ئاماژە بەوە دەکەن کە گرێبەستەکە هێشتا بە فەرمی بە تەواوەتی دانەخراوە.

📈 بەپێی خەمڵاندنەکان بۆ بەهای پشکی دورانت، ئەم ٢٥٠ هەزار دۆلارە دەکرێت بگۆڕێت بۆ زیاتر لە ٦٠ ملیۆن دۆلار! واتا نزیکەی ٢٤٠ هێندەی سەرمایەی سەرەکی وەبەرهێنانەکە. بەڵام خاڵێکی گرنگ هەیە: بڕی ٦٠ ملیۆن دۆلارەکە تەنها خەمڵاندنە و ژمارەیەکی پشتڕاستکراوە نیە، هەروەها دورانت لە قۆناغەکانی دواتریشدا وەبەرهێنانی زیاتری کردووە، و تا ئێستا کۆی گشتی وەبەرهێنانەکانی یان بەهای کۆتایی پشکەکەی بە فەرمی ئاشکرا نەکراوە.

💡 وانەکە لێرەدا چیە؟ هەندێک جار گەورەترین قازانج لە وەبەرهێنان لە کۆمپانیایەکی سەرکەوتوودا نایەت دوای ئەوەی ناوبانگی دەرکرد… بەڵکو لە دۆزینەوە و بینینیدایە لەو کاتەی هێشتا لە سەرەتای دەستپێکیدایە.

ئەحمەد بیردۆز

#زیرەکی_دەستکرد #وەبەرهێنان #تەکنەلۆژیا #کارسازی #ستارتئاپ #وەبەرهێنانی_ژیرانە #HuggingFace #Nvidia #AI