🟥 تێلیگرام دەیەوێت یوزەرنەیمەکەت بکاتە ماڵپەڕی فەرمی ئینتەرنێت بە دۆمەینی gram. 🌐🚀🤖

تەنیا بۆ ساتێک بیر لەمە بکەنەوە: چی دەبێت ئەگەر ناوی بەکارهێنەری ئێستات لە تێلیگرام ببێتە ناونیشانی فەرمی ماڵپەڕەکەت لەسەر تەواوی تۆڕی ئینتەرنێت؟ (بۆ نموونە: Ahmed@ دەبێتە ahmed.gram)! ئەمە تەنیا دەنگۆ نیە، بەڵکو پڕۆژەیەکی نوێی پاڤێل دوورۆڤە بۆ شۆڕشگێڕانەکردنی ناسنامەی دیجیتاڵی!

🔴 پاڤێل دوورۆڤ ڕایگەیاند کە تێلیگرام بە فەرمی داواکاری پێشکەشی دامەزراوەی جیهانی ICANN کردووە بۆ بەدەستهێنانی پاشگری تایبەتی .gram. لە ئەگەری پەسەندکردنیدا، هەموو بەکارهێنەرێکی تێلیگرام دەتوانێت ناونیشانی تایبەت بە ناوی خۆی وەک ماڵپەڕ بەدەستبهێنێت.

🔴 پلانەکە تەنیا لە ناوی دۆمەیندا ناوەستێت؛ بەکارهێنەران دەتوانن لە ڕێگەی ژیریی دەستکرد و تەنیا بە نووسینی یەک فەرمان (Prompt)، ماڵپەڕی کارلێککار و تەواو دروست بکەن کە ڕاستەوخۆ لەسەر سێرڤەرەکانی تێلیگرام میوانداری دەکرێت، بەبێ پێویستی بە کۆدنوسین یان کڕینی هۆستینگ.

🔴 لە داهاتوودا هەژماری تێلیگرامەکەت تەنیا ئەپێکی نامەگۆڕینەوە نابێت، بەڵکو دەبێتە پاکێجێکی یەکگرتوو لە "ناسنامەی دیجیتاڵی + پڕۆفایلی تایبەتی + ماڵپەڕی تەواو لەسەر وێب".

🔴 خاڵێکی زۆر گرنگ؛ پرۆسەکە هێشتا کاتی دەوێت: دۆمەینی .gram هێشتا بەردەست نیە و پێویستە بە پرۆسەی هەڵسەنگاندن و ڕەزامەندیی توندی ICANNدا تێپەڕێت لە نێوان زیاتر لە ١٦٠٠ داواکاریی خولی ٢٠٢٦دا. هەروەها ئەم ناونیشانە دۆمەینێکی تەواو سەربەخۆ نابێت کە وەک دۆمەینە تەقلیدیەکان لە کۆمپانیاکانی تر بیکڕیت، بەڵکو بەستراوەتەوە بە خودی سیستەم و ژینگەی تێلیگرامەوە.

📉 پێچەوانەی هاوکێشەکە زۆربەی بەکارهێنەران هێشتا تەنیا وەک ئەپڵیکەیشنێکی نامە گۆڕینەوە یان ڕکابەری واتسئەپ لە تێلیگرام دەڕوانن، بەڵام ئەم هەنگاوە لایەنێکی شاردراوە و قووڵتری ستراتیژیەتی پاڤێل دوورۆڤ ئاشکرا دەکات. لە شێوازی نەریتیدا، دروستکردنی ماڵپەڕ پێویستی بە کڕینی دۆمەین، هۆستینگ، ڕێکخستنی DNS و کۆدنوسینە، بەڵام بلیمەتی تێلیگرام لەوەدایە کە دەیەوێت هەموو ئەم بەربەستانە بە تەواوی بتوێنێتەوە و ژێرخانی ئینتەرنێت بێنێتە ناو یەک پلاتفۆرم.

ئەوان نایانەوێت تەنیا شوێنی قسەکردنت بن، بەڵکو دەیانەوێت ببنە دەروازەی سەرەکی تەواوی بوونی تۆ لەسەر تۆڕی جیهانی. کاتێک ناسنامە، هۆست، AI و دۆمەین لە یەک شوێندا کۆدەبنەوە، تێلیگرام لە ئەپێکی چاتەوە دەگۆڕێت بۆ گەورەترین مەکینەی دروستکردنی وێب لە جیهاندا.

پێتان وایە تێلیگرام دەتوانێت بەم شێوازە پێگەی ماڵپەڕە تەقلیدیەکان لەق بکات و ببێتە دەروازەی سەرەکی ئێمە بۆ ئینتەرنێت، یان بەستنەوەی ماڵپەڕ بە یەک ئەپڵیکەیشنەوە سنووردارکردنی ئازادییە؟

بۆ ئەوەی لە جیهانی ژیری دەستکرد و داهاتووی تەکنەلۆژیادا دوا نەکەویت، هەژمارەکەم فۆڵۆ بکە و ببە بە بەشێک لە گەشتەکە! 🤖🚀

چێژی تەکنەلۆژیا لێرەیە 🥰

سڵاو ڕێزی براتان ئەحمەد بیردۆز 😎