🟥 دامەزرێنەری تێلیگرام: کاتی خۆتان بە فێربوونی ڕاستەوخۆی پرۆگرامسازی یان AI بەفیڕۆ مەدەن! 📲🧮⚡

لێدوانێکی شۆککەر لەلایەن پاڤێڵ دورۆڤ (Pavel Durov)، دامەزرێنەری سەکۆی تێلیگرام، جەنجاڵیەکی گەورەی لە جیهانی تەکنەلۆژیادا دروست کردووە کاتێک ئامۆژگاری گەنجان دەکات ئاراستەی خوێندن و فێربوونیان بە تەواوی بگۆڕن!

🔴 بیرکاری لەبری پرۆگرامسازی: دورۆڤ لەبری ئەوەی ڕێنمایی قوتابیان بکات بەرەو فێربوونی ڕاستەوخۆی کۆدنوسین یان کەرەستەکانی ژیری دەستکرد ڕایگەیاند کە باشترین و بەهێزترین وەبەرهێنانی ڕاستەقینە فێربوونی زانستی بیرکارییە.

🔴 کەرەستەکان دەگۆڕێن، لۆژیک جێگیرە: بە بڕوای دورۆڤ، پڕۆگرامسازی و ژیری دەستکرد تەنیا ئامرازن و ساڵانە بە خێرایی دەگۆڕێن و نوێ دەبنەوە؛ بەڵام بیرکاری بنەمای فیکر، لۆژیک و توانای چارەسەرکردنی کێشەکان دادەمەزرێنێت، کە هۆشمەندیەکی هەمیشەییە و لەگەڵتدا دەمێنێتەوە بێ گوێدانە گۆڕانکارییەکانی تەکنەلۆژیا.

🔴 پشتیوانیی ئیلۆن مەسک: ئەم تێڕوانینە ڕاستەوخۆ پشتیوانی ئیلۆن مەسکی لێکەوتەوە، بەڵام مەسک تەنیا دوو وشەی ئاڵتوونی بۆ زیاد کرد: "و فیزیاش!". واتە تێکەڵەی بیرکاری و فیزیا قەڵغانی بنەڕەتی تێگەیشتن لە جیهان و سیستەمە ئاڵۆزەکانن.

🔴 پەیامی سەرەکی لێدوانەکە: مەبەستەکە ئەوە نیە کە کۆدنوسین یان AI بێبەها بوونەتەوە، بەڵکو ئەوەیە کەسێک بنەمایەکی ئاسنینی لە بیرکاری و فیزیادا هەبێت، دەتوانێت هەر زمانێکی پڕۆگڕامسازی، کەرەستەیەکی ژیری دەستکرد و تەکنەلۆژیایەکی نوێ زۆر خێراتر لە کەسانی تر فێر بێت و بگرە کۆنترۆڵیشی بکات.

📉 پێچەوانەی هاوکێشەکە لەم سەردەمەدا کە مۆدێلە ژیرەکانی AI دەتوانن بە چەند چركەیەک کۆدی ئاڵۆز بنووسن و هەڵەکان چاک بکەنەوە، بەهای "کۆدنوسینی ڕووکاری و فێربوونی کەرەستەی ئاسایی" ڕۆژ بە ڕۆژ بەرەو دابەزین دەچێت. زیرەکی ڕاستەقینەی لێدوانەکەی دورۆڤ و مەسک لەوەدایە کە "شێوازی بیرکردنەوە و شی کردنەوەی لۆژیکی" زۆر گرنگترە لە "شارەزابوون لە کەرەستەیەکی کاتی". کاتێک تۆ لە بنەما فیزیایی و بیرکاریەکان تێدەگەیت، تەنها بەکارهێنەری کەرەستە دروستکراوەکان نیت، بەڵکو دروستکەری سیستەمە نوێیەکان دەبیت. کەرەستەکان بەردەوام نوێ دەبنەوە، بەڵام لۆژیکی پشت هاوکێشەکان نەگۆڕە.

چێژی تەکنەلۆژیا لێرەیە 🥰

ئەحمەد بیردۆز