جێف بێزۆس بە ٤١ ملیار دۆلار گەڕایەوە: پڕۆژەی Prometheus بۆ دروستکردنی "ئەندازیاری گشتی زیرەک"! 🚀🏗️🔥

جێف بێزۆس (دامەزرێنەری ئەمازۆن) دوای پێنج ساڵ لە دەست لەکارکێشانەوەی لە پۆستی بەڕێوەبەری جێبەجێکاری ئەمازۆن لە ساڵی ٢٠٢١، دواجار بە فەرمی گەڕایەوە ناو جیهانی بەڕێوەبردن، بەڵام ئەمجارەیان لە دەرگایەکی ئێجگار گەورە و ترسناکەوە!

بێزۆس ڕاگەیاندنی پڕۆژە نوێیەکەی بڵاوکردەوە بە ناوی کۆمپانیای Prometheus کە هێشتا لە سەرەتای کارەکانیدا بەهای بازاڕیەکەی گەيشتووەتە ٤١ ملیار دۆلار، ئەمەش دوای ئەوەی توانی بڕی ١٢ ملیار دۆلار لە وەبەرهێنەرە دێوەزمەکانی جیهان کۆبکاتەوە.

💰 پاڵپشتیکەران: کاتێک گەورەترین بانکەکانی جیهان پارە دەڕێژن! ئەوەی پێگەی ئەم کۆمپانیایە بەهێز دەکات، تەنها ناوی بێزۆس نیە، بەڵکو ئەو دامەزراوە داراییە زەبەلاحانەن کە پارەیان تێدا وەبەرهێناوە، لەوانە:

• سندوقی JPMorgan Chase (گەورەترین بانکی ئەمریکا). • کۆمپانیای BlackRock (گەورەترین کۆمپانیای بەڕێوەبردنی سەروەت و سامان لە جیهاندا). • سندوقی Goldman Sachs لەگەڵ چەندین سندوقی تری وەبەرهێنانی جیهانی.

🏗️ "ئەندازیاری گشتی زیرەک" چیە و دەیەوێت چی بکات؟ جیاواز لە کۆمپانياکانی تری وەک OpenAI یان Anthropic کە مۆدێلەکانیان لەسەر دەق و زانیاریەکانی ئینتەرنێت ڕادەهێنن، Prometheus تەرکیز دەخاتە سەر "داتاکانی جیهانی فیزیکی" . ئامانجی سەرەکی دروستکردنی سیستەمێکە بە ناوی "ئەندازیاری گشتی دەستکرد" کە بتوانێت پڕۆسەی دیزاین و دروستکردنی شتە ئاڵۆزەکانی جیهانی ڕاستەقینە شۆڕشگێڕ بکات؛ وەک:

• هەوربڕەکان و باڵەخانە زەبەلاحەکان. • مۆبایلە زیرەکەکان و ئامێرە وردەکان. • بزوێنەری فڕۆکە جەنگی و نەفەرهەڵگرەکان.

⏱️ کورتکردنەوەی ١٠ ساڵ کار بۆ تەنها ١ ساڵ! جێف بێزۆس لە بارەی هێزی ئەم تەکنەلۆژیایەوە دەڵێت: "ئەگەر پڕۆژەیەکی ئەندازیاری لە ئێستادا پێویستی بە ١٠٠ ئەندازیار و ١٠ ساڵ کات بێت بۆ ئەوەی تەواو بکرێت، ئێمە لە ڕێگەی Prometheusەوە دەمانەوێت کارێک بکەین تەنها ١٠ ئەندازیار بتوانن لە ماوەی ١ ساڵدا هەمان پڕۆژە بە کۆتایی بگەیەنن."

ئەم کۆمپانیایە بە هاوبەشی لە نێوان بێزۆس و ڤیک باجاج (بەڕێوەبەری پێشووی تاقیگەکانی Google X) بەڕێوە دەچێت و ئامانجی کۆتاییان چەند هێندە کردنی خێرایی داهێنانی پیشەسازی و ئەندازیاریە لە جیهاندا.

📌 پوختەی قسە ئەم هەنگاوە نیشانی دەدات کە قۆناغی داهاتووی ژیری دەستکرد تەنها نووسینی دەق و دروستکردنی وێنە نیە، بەڵکو دابەزینە بۆ ناو جیهانی فیزیکی و مادی. بێزۆس دەیەوێت بەم چەکە نوێیەی، کات و تێچووی دروستکردنی ژێرخانی مرۆڤایەتی کەم بکاتەوە بۆ کەمترین ئاست.

ئەی ئێوە چی دەڵێن هاوڕێیان؟ ئایا پێتانوایە ژیری دەستکرد دەتوانێت جێگەی لێهاتوویی ئەندازیارانی مرۆڤ بگرێتەوە لە دروستکردنی شتە هەستیارەکانی وەک بزوێنەری فڕۆکە، یان مەترسیەکانی ئەم کارە ڕێگر دەبن؟ 🤔👇

چێژی تەکنەلۆژیا لێرەیە 🥰 / سڵاو ڕێزی براتان ئەحمەد بیردۆز 😎💜 / Ahmad Birdoz