زانیاریەک کە ڕەنگە زۆر کەس نەیزانن؛ کاتێک کۆمپیوتەرێکی ئەپڵ وەک "چەک" سەیر دەکرا! 💻🇺🇸

ئەوەی ئەمڕۆ لەگەڵ پێشکەوتووترین مۆدێلەکانی زیرەکی دەستکرددا دەگوزەرێت و ئەو ڕێگریانەی حکومەتی ئەمریکا دەیانکات (وەک ئەوەی لەگەڵ مۆدێلەکانی Claude Fable 5 و Mythos 5 ڕوویدا)، شتێکی نوێ نیە لە مێژووی ئەو وڵاتەدا!

🔹 چیرۆکی ساڵی ١٩٩٩ چی بوو؟ لە ساڵی ١٩٩٩دا، حکومەتی ئەمریکا هەناردەکردنی ئامێری Apple Power Mac G4ی بۆ چەند وڵاتێک قەدەغە کرد. هۆکارەکەی ئەوە بوو کە هێزی کۆمپیوتەرکردنی ئەو ئامێرە لەو سەردەمەدا هێندە بەرز بوو، خرایە ناو پۆلێنی "تەکنەلۆژیا خاوەن بەکارهێنانە سەربازیەکان". تەنانەت لە ڕووی میدیاییەوە بەهۆی هێزەکەیەوە وەک شتێکی "نزیک لە چەک" وەسف دەکرا.

🔹 پەرچەکرداری زیرەکانەی ستیڤ جۆبس: سەرۆکی ئەوکاتی ئەپڵ، "ستیڤ جۆبس"، لەبری ئەوەی دژی بڕیارەکە بوەستێتەوە یان ناڕەزایەتی دەرببڕێت، زۆر بە ژیرانە بڕیارەکەی قۆستەوە و گۆڕی بۆ کەمپینێکی مارکێتینگی سۆپەر سارد و تەنزئامێز! ئەو ڕیکلامی بۆ ئەوە دەکرد کە کۆمپیوتەرەکەی ئەپڵ هێندە بەهێزە، حکومەت وەک "دەبابە" مامەڵەی لەگەڵدا دەکات.

🔹 وانەی مێژوویی: زۆر کەس وا بیردەکەنەوە کە سنووردارکردنی تەکنەلۆژیاکانی زیرەکی دەستکرد لەم دواییانەدا پێشینەیەکی نوێیە، بەڵام لە ڕاستیدا ویلایەتە یەکگرتووەکانی ئەمریکا چەندین دەیەیە بەم عەقڵیەتەوە مامەڵە لەگەڵ هەر تەکنەلۆژیاکدا دەکات کە باڵادەستی و پێگەی ستراتیژی پێ ببەخشێت.

ئەمە دەیسەلمێنێت کە تەکنەلۆژیا هەمیشە بەشێک بووە لە هاوکێشە سیاسی و سەربازیەکانی جیهان!

بۆچوونی تۆ چیە؟ ئایا ئەم جۆرە قەدەغەکردنانە ڕێگری لە پێشکەوتن دەکەن یان ئاسایش دەپارێزن؟ 👇

ئەحمەد بیردۆز - Ahmad Birdoz