گوگڵ یاریەکەی گۆڕی؛ گشت شتێک، لە هەموو شوێنێک و بە یەکجار! 💥🌐

ئەوەی گووگڵ ئەیکات، ڕێک ناوی دەنێم "Everything Everywhere All at Once"! شتێکی ئەوەندە سەیر و نامۆی ڕاگەیاندووە کە شێوازی بەکارهێنانی ئینتەرنێت و ئامرازەکانی زیرەکی دەستکرد بۆ چەندین ساڵی داهاتوو بە تەواوی سەرەوژێر دەکات.

لێرەدا پوختی ئەو شۆڕشە تەکنەلۆژییە دەخەینە ڕوو کە نەخشەی جیهانی دیجیتاڵی دەگۆڕێت: ١. لاکێشەی گەڕانی نوێ؛ کۆتایی گەڕانی وشک چیتر شتێک نیە ناوی گەڕانی تەنها بە دەق. لەمەودوا دەتوانیت بنووسیت، وێنە و ڤیدیۆ زیاد بکەیت، وەسفی شتەکە بکەیت و هەمووی پێکەوە بخەیتە ناو یەک خەڵاتەوە!

لێرەدا جێمینای لە ناو جەرگەی "دۆخی ژیری دەستکرد" (AI Mode) لە گەڕاندا دەکەوێتە کار و بە ملیم شتەکەت بۆ دەهێنێتە دەرەوە. لاکێشەی گەڕانەکەش گۆڕاوە؛ لە ژێریدا دوگمەی نوێ هەن بۆ گەڕانی دەنگی، زیادکردنی ڕاستەوخۆی وێنە، یان چوونە ناو دۆخی AI بە یەک کلیک لەسەر هەموو جۆرە ئامێرێک.

٢. جێمینای ئۆمنی (Gemini Omni)؛ فیزیا لە ناو ڤیدیۆدا! ئەگەر لەناو جێمینایت و دەتەوێت ڤیدیۆیەکی تایبەت دروست بکەیت، تەنها بە نووسینی پرۆمپت نیە. هەر ستایلێک، دەنگێک یان ڤیدیۆیەکت بەدڵ بێت وەک سەرچاوە (Reference) دەیدەیتێ. لێرەدا خێزانە مۆدێلە نوێیەکەی جێمینای ئۆمنی دێتە مەیدانەکەوە کە تایبەتە بۆ ڤیدیۆ (وەک چۆن نانۆ بانانا بۆ وێنەیە). ئەم مۆدێلە دەسەڵاتێکی خەیاڵیت پێدەدات بۆ کۆنترۆڵکردنی فیزیا و یاساکانی ناو دیمەنەکە؛ لە هێزی کێشکردن و باوە بگرە تا جووڵەی شلەمەنیەکان و یاساکانی وزە.

٣. جێمینای سپارک ٢٤/٧ (Gemini Spark 24/7) یاریدەدەرێک کە هەمیشە و لە هەموو چرکەیەکدا لە پشتەوە کار دەکات، بێ ئەوەی پێویست بکات مۆبایل یان لاپتۆپەکەت بە داگیرساوی جێبەجێبهێڵیت. دەیان ئەرکی قورسی پێ دەسپێریت، ئەویش بە بێدەنگی ڕاییان دەکات و تەنها لە کاتە زۆر هەستیارەکاندا دێتەوە لای تۆ بۆ بڕیاری کۆتایی.

٤. کورتەی ڕۆژانە (Daily Brief) جێمینای بە تەواوی تێکەڵی ژیانت دەبێت؛ دەچێتە ناو ئیمەیڵەکانی جیمێڵ، فایلەکانی درایڤ و تەواوی بەڵگەنامەکانی وۆرکسپەیس (وەک سلايد و دۆکس)، لەگەڵ خشتەی چاوپێکەوتنەکانی ناو کاتژمێری گوگڵ (Calendar)، هەمووی دەهاڕێت و بەیانیان زوو کورتکراوەیەکی پوختت لەسەر شاشە پێشان دەدات: چیت هەیە، پێویستە ئاگات لە چی بێت، و پلەبەندی کارەکانی ئەمڕۆت چۆن بێت.

٥. بریکاری گەڕان و سەکۆی (AntiGravity) • بریکاری گەڕانی ژیری دەستکرد (Search AI Agent): خۆت دروستیان دەکەیت و پرۆگرامیان دەکەیت بۆ ئەوەی چاودێری بابەت یان بوارێکی دیاریکراو بکەن، هەر کە شتێکی نوێ لە جیهاندا ڕوویدا، یەکسەر بەبێ دەستێوەردانی تۆ بۆتی بهێنن.

• مینی ئەپەکان: دەتوانیت ئەپی بچووک لە ناو خودی گەڕاندا دروست بکەیت کە داتای تایبەتی خۆت و داتای ئینتەرنێت تێکەڵ دەکات (بۆ نموونە ئەپێکی تایبەت بە ڕێکخستنی خواردنەکانت).

• نمایشی کارلێکەر: ئەگەر داوای لێبکەیت شیکاری کونە ڕەشەکان (Black Holes) یان پێکهاتەی مۆزت بۆ بکات، تەنها بە دەق ڕوونی ناکاتەوە، بەڵکو لە ڕێگەی هێزی سەکۆی "AntiGravity" نمایشێکی ڤیدیۆیی کارلێکەری (Interactive Visual Explainer) ڕاستەوخۆ لەبەردەمدا دروست دەکات تا چەمکەکە تێبگەیت.

٦. نەوەی نوێی مۆدێلەکانی جێمینای ٣ و ٣.٥ هەموو ئەم شتانە لەسەر نەوەی نوێی مۆدێلەکانی جێمینای ٣ و وەشانی ٣.٥ کار دەکات. هێزێکی هاوشێوەی مۆدێلە زەبەلاحەکانی هەیە، بەڵام ٤ جار لەوان خێراترە و تێچووی کارپێکردن و مەشقپێکردنیشی زۆر کەمترە. خوێندنەوەی ستراتیژی؛ بۆچی گووگڵ لە پێشەنگدایە؟ 👑 ئەم نوێکارییانە نیشان دەدات کە سام ئاڵتمان (OpenAI) لەمەودوا کێشەی قورسی بۆ دروست دەبێت و خەریکە دەستەوستان دەبێت.

گوگڵ بنکەیەکی مێژوویی و هێزێکی ڕاستەقینەی هەیە کە کەرستە و خزمەتگوزاریەکانی خۆیەتی. کاتێک گووگڵ دێت خزمەتگوزاریەکانی وەک Ask Maps، Ask YouTube یان Ask Photos پێشکەش دەکات، مانای وایە کانگایەکی زێڕی بەدەستەوەیە کە کۆمپانیاکانی تر خەونی پێوە دەبینن. تەنها پێویستی بە داڕشتنەوەی ژیریی دەستکرد بوو، و ئێستا ئەنجامەکەی دەبینین.

وەک "سوندەر پیچای" لەو کۆنگرە ڕۆژنامەوانییە تایبەتەی ئامادەی بووم گوتی: "نهێنییەکە لە ڕۆحی مرۆڤدایە؛ زیرەکی دەستکرد وەک ڕۆحی مرۆڤ وایە کە مەحاڵە دەستبەرداری بیت، بەشێکە لە ئێمە کە دەبێت بەردەوام گەشە بکات و قەت کۆتایی نایەت."

چێژی تەکنەلۆژیا لێرەیە / سڵاو ڕێزی براتان ئەحمەد بیردۆز 😎💜 / Ahmad Birdoz