کاتێک داهێنەرانی ژیری دەستکرد خۆیان هاوار دەکەن: "کەمێک برێک بگرن!" 🛑🤖

کۆمپانیای "ئەنترۆپیک" (خاوەنی مۆدێلی کلۆد) داوایەکی بەپەلە دەکات بۆ دۆزینەوەی ڕێگەیەک کە بتوانێت پەرەپێدانی ژیریی دەستکرد لەسەر ئاستی تەواوی جیهان بە شێوەیەکی کاتی ڕابگرێت.

بۆچی کارەکە گەیشتووەتە ئەم ئاستە؟ • خۆپەرەپێدانی مەترسیدار: ئەنترۆپیک هۆشداری دەدات کە سیستەمەکانی ژیری دەستکرد خەریکە فێری ئەوە دەبن خۆیان، خۆیان باشتر بکەن و وەشان گەلێکی زۆر پێشکەوتووتر بەبێ دەستێوەردانی مرۆڤ دروست بکەن.

• هەڕەشە لەسەر هێزی کار: ئەم تەکنەلۆژیایە توانای هەیە بەرهەمهێنانی مرۆڤ هەزاران جار زیاتر بکات، بەڵام لە هەمان کاتدا دەبێتە جێگرەوەی بەشێکی زۆری کارەکان و مەترسیی نوێ دەهێنێتە ئاراوە.

• وەک چەکی ئەتۆمی، بەڵام ئاڵۆزتر: کۆمپانیاکە ئەم دۆخە بە ڕێککەوتننامەکانی سنووردارکردنی چەکی ئەتۆمی دەچوێنێت، بەڵام دانی پێدا دەنێت کە کۆنترۆڵکردنی ژیری دەستکرد زۆر لەوە ئاڵۆزتر و قورسترە.

ئامانجی ئەنترۆپیک ئەوەیە کەمێک کات بۆ کۆمەڵگە بگەڕێنێتەوە تا بتوانێت خۆی لەگەڵ لێکەوتەکانی ئەم شەپۆلە خێرایە بگونجێنێت. بۆ ئەمەش دەیانەوێت زنجیرە گفتوگۆیەک لەگەڵ حکومەتەکان، توێژەران و کۆمپانیا گەورەکانی بواری تەکنەلۆژیا دەست پێبکەن.

چێژی تەکنەلۆژیا لێرەیە / ئەحمەد بیردۆز 😎💜 / Ahmad Birdoz