ژیریی دەستکرد چیتر تەنها بە نووسینی کۆدەوە ناوەستێت، بەڵکو دەستی کردووە بە پشکنین لە ناوخۆیدا بۆ دۆزینەوەی مەترسیدارترین کەموکوڕییەکان. مۆدێلی Mythos لە کۆمپانیای Anthropic یارمەتی تیمی Firefoxـی داوە

ئەوەی سەرنجڕاکێشە ئەوەیە کە Mozilla دەڵێت ئامرازەکانی ئێستای ژیری دەستکرد قۆناغی ئاگادارکردنەوە بێزارکەرەکان و ئەنجامە ساختەکانیان (False Positives) تێپەڕاندووە، و بوونەتە خاوەن وردەکاریەکی زیاتر لە شیکردنەوەی کەلێنەکان و جیاکردنەوەی ئەنجامە بەسوودەکاندا. دەرەنجامەکەش بازدانێکی گەورە بوو لە چاکسازیەکاندا، بەجۆرێک Firefox لە ماوەی نیسانی ٢٠٢٦دا نزیکەی ٤٢٣ چاکسازی ڕاگەیاندووە، لە کاتێکدا لە هەمان ماوەی ساڵی ڕابردوودا تەنها ٣١ چاکسازی بووە.

ئەوەی زیاتر جێی سەرنجە ئەوەیە کە Mythos سەرکەوتوو بووە تەنانەت لە دۆزینەوەی کێشەکانی ناو سیستمی دابڕانی ئاسایشی (Security Isolation Sandbox) لە Firefox، کە یەکێکە لە ئاڵۆزترین هێڵەکانی بەرگری لە وێبگەڕەکەدا و قورسترینیانە بۆ توێژەران. لەگەڵ ئەوەشدا، تا ئێستاش مرۆڤەکان خۆیان چاکسازیە کۆتاییەکان دەنووسنەوە و پێداچوونەوەی بۆ دەکەن، ئەمەش بەو مانایەیە کە ژیری دەستکرد لێرەدا وەک لێکۆڵەرێکی لێهاتوو کار دەکات نەک وەک جێگرەوەیەکی تەواو بۆ ئەندازیارەکە.

بە بڕوای ئێوە، ئایا ژیری دەستکرد باڵادەستی و ئەولەویەت دەدات بە بەرگریکاران لە ئاسایشی ئەلیکترۆنیدا یان بە هێرشبەران؟

ڕێز و سڵاوی براتان ئەحمەد بیردۆز 😎💜 Ahmad Birdoz

#ژیریی_دەستکرد #ئاسایشی_ئەلیکترۆنی #فايرفوكس #موزيلا #کەلێنە_ئاسایشییەکان #گەشەپێدانی_بەرنامەکان