جەنگی مان و نەمان: ئەندرۆیدی ورگ‌ زل دژی هارمۆنی نینجا! 🥷🆚🍔

براینە، شەڕی نێوان ئەندرۆید و هارمۆنی ئیتر تەنیا بەراوردکردنی دوو سیستەم نیە، بووەتە شەڕی کۆڵان! شەڕێک لەسەر ئەوەی کێ دەتوانێت سەربەخۆ بێت و کێش بە تەنیا پێی ناوەستێنرێت. با بزانین ئەمڕۆ کامەیان خەریکی "قۆڕیات"ـە!

🔹 بنیات و سیستەم: مامە ئەندرۆید زۆر دەخوات! ئەندرۆید لەسەر بنەمای لینۆکس (Linux) دروستکراوە (ئەوە قسەی خەرکیە ئەمن حەقم نیە)، زۆر بڵاوە و هەموو شوێنێکی گرتووە، بەڵام کێشەکە ئەوەیە بووەتە مامەیەک کە تا تەمەنی هەڵدەکشێت ورگی گەورەتر دەبێت 😳 و سەرچاوەیەکی زۆری مۆبایلەکەت دەلووشێت😁 لەولاوە هارمۆنی (HarmonyOS)(زۆر قشتۆکەیە😂) وەکو نینجایەکی ڕاهێنراو وایە. سیستەمێکی پەرتکراوە بەسەر (Distributed)، مۆبایل، کاتژمێر، تابلێت و سەیارەکەت وا لێدەکات ببن بە یەک جەستە و یەک ڕۆح، چونکە پشت بە ناوکێکی زۆر بچووک و خێرا (Microkernel) دەبەستێت.

🔹 بەرنامەکان و گووگڵ: پیاوی خەڵک! ئەندرۆید لێرەدا سینگ دەردەپەڕێنێت، بەڵام بۆ؟ چونکە گووگڵ پێی گرتووە!🤔 (مەبەستم ساوا نیە) بەهۆی خزمەتگوزاریەکانی گووگڵەوە (پلەی ستۆر، نەخشە، یوتیوب)، کێشەی لەگەڵ هیچ بەرنامە و بانکێکدا نیە. هارمۆنی پشتی بە خۆی و خزمەتگوزاریەکانی هواوی (HMS) و فرۆشگای AppGallery بەستووە. ڕاستە پیاو بووە و زۆر گەشەی کردووە، بەڵام هێشتا نەبوونی گووگڵ بۆ هەندێک بەکارهێنەر وەک ئەوە وایە لە سەحرا بێ ئاو مابنەوە.

🔹 ئەدا و خێرایی: لێرەدا ئەندرۆید دادەڕووتێنینەوە😄 📉 ئەندرۆید تەنیا کاتێک خێرایە کە مۆبایلەکەت ئەوەندە بەهێز بێت وەک ئەوەی بۆ ناسا دروستکرابێت😇 کۆمپانیاکان ناچارن پارچەی زەبەلاح بخەنە سەر مۆبایلەکانیان بۆ ئەوەی ئەندرۆید کەمێک بە باشی ئیش بکات و نەوەستێت🙃

بەڵام هارمۆنی🤩 ئاهـ، سەیرکەن! ئەوەندە چوست و چالاک و سووکە😊 تەنانەت لەسەر مۆبایلێکی مامناوەندیش وەک فیشەک دەڕوات و پاتریەکەت وەک چاوی خۆی دەپارێزێت. هارمۆنی فێرت دەکات کە خێرایی بە ژمارەی گەورە نیە، بەڵکو بە ژیرییە!

🔹 ئیکۆسیستەم: ماڵی بێ سەرپەرشت دژی خێزانی یەکگرتوو! لەناو ئەندرۆیددا مۆبایلێک و تابلێتێک و کاتژمێرێک بخەرە تەنیشت یەک، وەک تۆم و جێرییان لێدێت و هەر کۆمپانیایە و ئاوازێک دەخوێنێت🤣😂

بەڵام هارمۆنی بە تایبەتمەندی Super Device، هەموو ئامێرەکانت دەکات بە یەک. مۆبایل و تابلێتەکەت وەکو دوو برای گیانی بە گیانی بە یەک چاوتروکان پەیوەندی بە یەکەوە دەکەن و داتا دەگوازنەوە🔟🔟😎 ( کێ پێی ناخۆشە دیوار نێزیکە ) ☺️

🔹 ڕاستیە تاڵەکەی پشت ڕێکلامەکان! 🎭 کۆمپانیاکانی ئەندرۆید بە درۆ و قۆڕیاتی گەورە هەڵمان دەخەڵەتێنن، دەڵێن "مۆبایلەکەمان ٢٤ گێگابایت ڕامی هەیە!"... کاکە ٢٤ گێگا ڕام بۆچی؟! بۆ هەڵدانی سەتەلایت؟ نەخێر، تەنیا بۆ پەردەپۆشکردنی ئەو شکستە گەورەیەی کە سیستەمەکەیان ناتوانێت خۆی کۆنتڕۆڵ بکات!

ڕاستە هارمۆنیش تا ئێستا بە دزییەوە بەشێکی فایلەکانی ئەندرۆید (APK) بەکاردەهێنێت، بەڵام هواوی خەریکی شتێکی گەورەیە و لە وەشانـی داهاتوودا بە ناوی (HarmonyOS NEXT) بە یەکجاری سەربەخۆ دەبێت و پێلەقەیەک لە ئەندرۆید دەدات! ( کە کردیتیشی وازی لە ئەندرۆید هینایە 😎) کابرا پێی دەکرێ و ڕاناوەستی 😗

پوختەی قسە: ئەگەر گیرۆدەی دەستی گووگڵیت و حەزت لە سیستەمێکی قەڵەوی پڕ کێشە و خاوە کە بەس ڕامەکانت بۆ دەخوات👀 ئەندرۆید بۆ تۆیە! بەڵام ئەگەر سەربەخۆیی، خێرایی، و یەکگرتوویی ئامێرەکانت دەوێت، هارمۆنی تاقی بکەرەوە و بزانە ئیسراحەت واتای چیە☺️ ئەگەر باش بوو سوپاسم بکە، ئەگەر خراپیش بوو بەقسەت نەکردبام، خۆ زۆریم نەکردبووی😄

چێژی تەکنەلۆژیا لێرەیە

سڵاو ڕێزی براتان ئەحمەد بیردۆز 😎💜 / Ahmad Birdoz