سەردەمی "ئەنگسترۆم": کاتێک پڕۆسێسەرەکە ئەوەندە بچووک دەبێت، بە مایکرۆسکۆپیش نابینرێت! 🔬📉

"ئای دەستخۆش TSMC! یانی وایان لێ هاتووە خەریکە دەگەنە ئاستی ئەتۆم و هێشتا دەڵێن 'کەمە'. لە کۆنفرانسی VLSI 2026دا پەردەیان لەسەر تەلارسازیی A16 لادا، کە بە حسابی خۆیان بەووردی ١.٦ نانۆمەترە و ناویان ناوە 'سەردەمی ئەنگسترۆم'.

کاکە دەزانن ئەنگسترۆم چییە؟ یانی شتێک ئەوەندە بچووکە، ئەگەر لە ناو گیرفانتدا بێت و هەستی پێ نەکەیت، مەڵێ ون بووە، بڵێ وادیارە لە نێوان خانەکانی دەستمدا خۆی شاردووەتەوە!

ئەم وەشانە نوێیەی پڕۆسێسەر، بە قسەی خۆیان 8% بۆ 10% ئاستی بەرز بووەتەوە. وەرە سەیری ئەم هەموو منەتە بکە! یانی هەموو جیهانیان کۆکردووەتەوە و ملیاران دۆلاریان خەرج کردووە تەنها بۆ ئەوەی مۆبایلەکەت 8% خێراتر بێت؟ بەڕاستی لوتکەی پۆز لێدانە. تەنها خاڵی پۆزەوی تێیدا ئەوەیە کە 20% وزە کەمتر بەکار دەهێنێت، کە ئەمەش تەنها بۆ ئەوە باشە پێنج خولەک زیاتر سەیری ڤیدیۆی بێمانا بکەیت پێش ئەوەی پاترییەکەت بمرێت.

ئینجا داهێنانە گەورەکەیان چییە؟ تەکنەلۆژیای 'گەیاندنی کارەبا لە پشتەوە' یان وەک خۆیان بە شانازییەوە دەڵێن (Super Power Rail). یانی کارەباکە لە جیاتی ئەوەی وەک مرۆڤی بەڕێز لە پێشەوە بچێت بۆ ناو دڵی پڕۆسێسەرەکە، لە پشتەوە دەچێت بۆ ئەوەی قەرەباڵغی دروست نەبێت. وەک ئەوە وایە بچیتە چێشتخانەیەک، بڵێن 'ببوورە لە دەرگای پێشەوە ناتوانیت بێیتە ژوورەوە چونکە هەمووی پڕ بووە لە بریکاری ژیری دەستکرد، فەرموو لە دەرگای پشتەوە وەرە بۆ ئەوەی کەمێک نانی کارەبات پێ بدەین!'

بەڵام ئەوەی زۆر کۆمیدیە، کاتەکەیەتی! ئێستا لە ٢٠٢٦دا باسی دەکەن، کۆتایی ٢٠٢٦ ئیشی تێدا دەکەن، کەچی دەڵێن ساڵی ٢٠٢٨ مۆبایلەکەت دەگاتە دەستت. یانی دەبێت دوو ساڵی تر بەم مۆبایلە 'کۆن و تەمەڵانەی' دەستمانەوە بیقەتێنین، تا جەنابی TSMC کەرەستەکەمان بۆ ئامادە دەکات.

هەر لە ئێستاوە نەخشەی ڕێگای A14 و A13 و تەنانەت A12شیان کێشاوە بۆ ساڵی ٢٠٢٩. خەریکە ژمارەمان لێ دەبڕێت! خەمی ئەوەمە ساڵی ٢٠٣٠ بڵێن 'وەشانێکی ترمان بەرهەم هێناوە بە ناوی A000000.1، کە ئەوەندە بچووکە، خۆمان و ئینتێڵیش (Intel) نازانین لە کوێمان داناوە، بەڵام دڵنیابن زۆر پۆزەوی و بەهێزە!'

ئینتێڵیش لەو لاوە بەو هەموو مێژووەوە خەریکە بە دوایاندا ڕادەکات و 'پانسەر لەیک'ی (Panther Lake) هێناوە، بەڵام وادیارە TSMC کلیلی بازاڕی ژیری دەستکرد و حیساباتی ئاستبەرز (HPC)ی خستووەتە گیرفانی و نایدات بەکەس.

بەڕاستی جەنگێکی سەیرە؛ جەنگی کێ کەمتر دەبینرێت و کێ پۆزی زیاترە!"

ئەتو کاکە خەنی بووی هەندی پێبکەنی، پێت وایە تا ساڵی ٢٠٢٨ کە ئەم پڕۆسێسەرە دێت، ئێمە هێشتا پێویستمان بە مۆبایل دەبێت، یان پڕۆسێسەرەکان ڕاستەوخۆ دەچنە ناو مێشکمانەوە؟ 😂

برایە قسەخۆشە تەکنەلۆژیەکەتان ئەحمەد بیردۆز 😎