AI Agents
کاتێک "ئۆبونتو"ش دەبێت بە فەیلەسوف و پۆزمان بەسەردا لێ دەدات! 🐧🤖
Ahmad Birdoz2 min read
"وەڵا دەستخۆش بۆ کۆمپانیای کانۆنیکاڵ (Canonical)! یانی وایان لێ هاتووە دەڵێن: 'با ئێمەش کەمێک لەم کێکەی ژیری (Intelligence) بخۆین، نەکا خەڵکی وا بزانن ئێمە هێشتا لە ساڵانی نەوەدەکاندا ماوینەتەوە 😎
وا دیارە خەریکی پلانێکی ڕوون و ئاشکران بۆ ئەوەی ئۆبونتو لینۆکس پڕ بکەن لە ژیریی دەستکرد. ئاخر وەرە سەیری ئەم پۆزە بکە! لینوکس خۆی بەبێ ئەوەش ئەوەندە ئاڵۆزە کە پێویستت بە دوو دکتۆرا و سێ فەرهەنگ هەیە بۆ ئەوەی بزانیت چۆن وێنەی سەر شاشەکەی بگۆڕیت😇
ئێستا دەیانەوێت بریکار (Agent)ی زیرەکیش بخەنە ناوی بۆ ئەوەی هاوکاریت بکات لە بەڕێوەبردنی سیستمەکە!
باشە کاکە، ئەمە یانی چی🤔 یانی لێرە بەولاوە کە دەچیتە ناو تێرمیناڵ و کۆدێکی هەڵە دەنووسیت، لە جیاتی ئەوەی وەک جاران بە ساردی پێت بڵێت 'Command not found'🥹 ژیرییەکە دێت و پێت دەڵێت: 'کاکە گیان، پێم وایە تۆ کەمێک پەروەردەی تەکنیکیت دەوێت😊 ئەم کۆدەی نووسیووتە هی سەردەمی بەردینە! بڕۆ چایەک بخۆرەوە با خۆم بۆت ڕاست بکەمەوە'. یانی خەریکە وای لێ دەکەن لینۆکسیش وەک ویندۆز و ماک، خۆی بە زیرەکتر لە بەکارهێنەرەکە بزانێت و دەست وەربداتە هەموو شتێک.
دەڵێن 'ئەمە بۆ گەشەپێدەران و سێرڤەرەکانیش زۆر باشە'. وەڵا ڕاست دەکەن! تەسەوور بکە سێرڤەرەکەت دەکوژێتەوە، لە جیاتی ئەوەی سێ شەو بە بێ خەوی دابنیشیت و بە شوێن هەڵەکەدا بگەڕێیت، بریکارە زیرەکەکە دێت و دەڵێت: 'خەمت نەبێت براکەم، من خۆم کێشەکەم دۆزییەوە، تەنها وایەرێکی سووتاوە و پێویست ناکات پەنیک بیت!'. بەڵام خۆمان دەزانین، ئەمە تەنها پۆزە، ئەگەر نا لینۆکس بەبێ تێکچوون و ماندووبوون و کۆدی ئاڵۆز، تامی لینۆکسی لێ نایەت.
ئامانجی گەورەیان ئەوەیە کە لینوکس بۆ خەڵکی ئاساییش ئاسان بکەن بەبێ ئەوەی هێزەکەی لەدەست بدات. هیوای سەرکەوتنیان بۆ دەخوازم لەم وەشان (Version)ە نوێیانەدا، بەڵام با ڕاستگۆ بین؛ ئەگەر یەکەم ڕۆژ سێرڤەرەکەت بەهۆی ژیریی دەستکردەوە 'تەقەی لێ هات' و دەستی کرد بە شیعر خوێندنەوە😅 لە جیاتی کارکردن، مەڵێن بۆچی! چونکە لینۆکس حەزی بەوە نیە کەس دەست وەربداتە کارەکانی، تەنانەت ئەگەر ڕۆبۆتێکی زۆر زیرەکیش بێت.
بە بڕوای ئێوە، ئەمە ئۆبونتو ئاسانتر دەکات یان تەنها 'پۆز'ێکی ترمان بۆ زیاد دەکات و سیستمەکەمان لێ قورس دەکات؟" 😁
کوڕە تەکنەلۆژیە قسەخۆشەکە لێتان تێکنەچی باسی باڵ و شتی وا ناکەم 😭 ئەحمەد بیردۆز
Ahmad Birdoz
پۆستە پەیوەندیدارەکان
- گرانترین سێلفی لە دونیا
تۆم وایت لە دوکانی مۆتە دەرچوو لەشاری ئۆماها لەویلایەتی نیبڕاسکا نەیزانی کە گرانترین سێلفی گرتووە🥰 چونکە لەگەڵ چوارەم دەوڵەمەندترین کەس وارین بافێت و پۆل ماکرت…
- 👋 دوێنێ گووگڵ لە کۆنگرەی The Android Show I/O Edition 2026 تەقینەوەیەکی گەورەی لە جیهانی تەکنەلۆژیا دروست کرد. ئەگەر کاتت کەمە و دەتەوێت بزانیت چی ڕوویداوە، ئەمە کورتەی بابەتەکەیە:
📌 تایبەتمەندی Gemini Intelligence: زیرەکی دەستکرد بووەتە بریکار Agent و هەموو ئیشێکی ناو مۆبایل و ئینتەرنێتیشت بۆ دەکات. 🤖 تایبەتمەندی Rambler: قسە بکە و باق…
- 🐵🐒🐎🐅🦌🐂🐐🐪🐘🐾🐼
www.BirdozTech.comhttp://www.birdoztech.com/ BirdozTechhttps://plus.google.com/s/%23BirdozTech/posts AhmadBirdozhttps://plus.google.com/s/%23AhmadBirdoz/posts
- مۆبایلێکی لەئۆپۆوە کەتوانای نوشتانەوەی هەیە، لەهەمان کاتدا دەبێتە تابلێتیش کاتێک کەمۆبایلەکە دەکەیتەوە.
AhmadTechhttps://plus.google.com/s/%23AhmadTech/posts
- پێشتر وادەزانرا ئەم ئاژەڵە بۆ خۆ رزگارکردن خۆی وەک مردوو پیشان دەدات، بەڵام دەرکەوت لەهۆش خۆی دەچێت لەترسان😅
BirdozTechhttps://plus.google.com/s/%23BirdozTech/posts www.BirdozTech.comhttp://www.birdoztech.com/
- کورتەی نوێبونەوەی مۆدێلەکانی زیرەکی دەستکرد بۆ مانگی نۆ .. 😂
ئەحمەد بیردۆز