کاتێک گەنجانی ئەمریکا دەگەڕێنەوە بۆ سەردەمی "نۆکیا" و "سی دی"! 💿📵

"وەڵا ماشاءالله، ٣٠ گەنج لە واشنتن بوون بە پاڵەوان و بڕیاریان داوە مانگێک مۆبایلە زیرەکەکانیان فڕێ بدەن و مۆبایلی 'تەقە تەق' بەکاربهێنن! دەستخۆشییان لێ دەکەم، بەڕاستی ماندوو بوون؛ یانی مانگێک وەک مرۆڤی پێش مێژوو ژیاون تەنها بۆ ئەوەی بزانن مێشکیان چۆن کار دەکات. سەیرکەن جیهان گەیشتووەتە کوێ؛ کچێکیان دەڵێت ناچار بووم 'لە خەڵک بپرسم' ڕێگاکە لە کوێیە! ئافەرم، یانی پێشتر وات دەزانی ئەگەر سەیری گوگڵ ماپ نەکەیت، زەوی تەخت دەبێت و دەکەویتە خوارەوە؟ یان ئەوەی تریان دەڵێت 'گوێم لە دەنگی سروشت بوو'، کاکە ئەوە دەنگی سروشت نیە، ئەوە دەنگی مێشکتە خەریکە دوکەڵی لێ هەڵدەستێت چونکە سێ چرکە 'ڕیڵز' و 'تیکتۆک'ت نەبینیوە!

ئەم گەنجانە گەڕاونەتەوە بۆ وەشان (Version)ە کۆنەکانی ژیان؛ سی دی بەکار دەهێنن! من دڵنیام نیوەی مانگەکەیان بەوە بەسەر بردووە فوی لێ بکەن تا نەکڕێتەوە. دەڵێن 'تەرکیزمان زیادی کردووە'؛ بێگومان زیاد دەکات، کاتێک ڕۆژانە پێنج هەزار ڤیدیۆی بێمانا نەبینیت کە تێیدا یەکێک نان دەخوات و یەکێکی تر سەیری دەکات، مێشکت دەبوژێتەوە.

ئێستا وای لێ هاتووە، مرۆڤایەتی ئەوەندە پشتی بە ژیریی دەستکرد و ئەم بریکار (Agent)ە دیجیتاڵیانە بەستووە، ئەگەر مۆبایلەکەمان لێ بسەننەوە، وەک ئەوە وایە بمانخەیتە ناو دارستانێکەوە و نەزانین "باکوور" و "باشوور" لەکام لاوەیە.

توێژەرەکان دەڵێن ئەمە وەک شۆڕشی ژینگەیی ساڵانی شەستەکان وایە. وەڵا وایە! جاران خەڵک شەڕی بۆ پاککردنەوەی هەوا دەکرد، ئێستا ئێمە شەڕ دەکەین تەنها بۆ ئەوەی پێنج خولەک سەیری شاشەی مۆبایلەکەمان نەکەین.

دەپرسن: 'ئایا تۆ ئامادەیت کەمتر مۆبایل بەکاربهێنیت؟' وەڵامی من وەک شارەزایەکی تەکنەلۆژیا ئەوەیە: من ئامادەم، بەڵام کێشەکە ئەوەیە ئەگەر مۆبایلەکەم دابنێم، کێ وەڵامی ئەم هەموو کۆمێنت و نامانە بداتەوە؟ کێ سەیری ئەم هەموو وەشانە نوێیانەی تەکنەلۆژیا بکات؟

وادیارە دەبێت منیش وەک ئەو گەنجانە بڕۆم لە خەڵک بپرسم: 'برا، دەزانیت ئایفۆن ١٧ کەی دێتە بازاڕەوە؟'!"

ئەی تۆ؟ ئامادەیت بۆ ماوەیەک مۆبایلەکەت بکوژێنیتەوە و وەک ئەو گەنجانە بچیتەوە ناو سروشت، یان خەتت زۆر مەژغولە؟ 😁

ئەحمەد بیردۆز وەستای تەکنەلۆژیا 😎