ئەگەر سبەی ناچار بم لە سفرەوە و بەبێ هیچ شتێک دەست پێ بکەمەوە، جگە لە لاپتۆپێک و کڵۆد (Claude)، بەم شێوەیە لە ٩٠ ڕۆژدا کۆمپانیایەکی چەندین ملیۆن دۆلاری بونیاد دەنێم 😎

ئەوە سەردێری بابەتێک بوو بەزمانی ئینگلیزی بەدواداچوونم بۆی کرد، بەمشێوەیە دەرچوو:

ئەم دەقە لە بنەڕەتدا هی سەرمایەداری ناسراو (Tom Bilyeu)یە. خاوەنی پێشووی کۆمپانیای Quest Nutrition بوو (لە ساڵی ٢٠١٩ بە بڕی ١ ملیار دۆلار فرۆشرا).

سەبارەت بە دروستکردنی "کۆمپانیایەکی چەند ملیۆن دۆلاری لە ٩٠ ڕۆژدا"، ئەمەیان تەنها قسەیەکی سەرنجڕاکێشی بازاڕکردنە (Hook)، بەڵام ئەو تەکنیکەی باسی دەکات بۆ ئەندازیاریی فەرمانەکان (Prompt Engineering) و دابەشکردنی کارەکان بەسەر چەند بریکارێکی ژیریی دەستکرددا، تەکنیکێکی زۆر پێشکەوتوو و بەسوودە.

ئەمەش تەکنیکی دروستکردنی کۆمپانیایەکی نوێ:

بەشێکی ژیریی دەستکرد لە ٥ بریکار (Agent) پێکدەهێنم کە ٢٤ کاتژمێر و ٧ ڕۆژی هەفتە کار بکەن.

با تیمی کارکردنەکەت پێ بناسێنم...

١. توێژەرەکە (The Researcher) دۆکیومێنتێکی ٥٠ بۆ ٧٥ لاپەڕەیی بۆ بار دەکەم کە دیدگا و مۆدێلی کارەکەم ڕوون دەکاتەوە.

• فەرمانی پێ دەدەم: "لەم [پیشەسازییەدا] خەڵک بە چ کێشەیەک دەناڵێنن کە چارەسەرەکانی ئێستا بۆیان بێسوودە؟ داتای سەکۆکانی Reddit، پێداچوونەوەکانی ئامازۆن و Google Trendsـم پیشان بدە."

• بەدواداچوون: "٥ کێشە هەرە بەپەلەکانی ناو پیشەسازیە گەشەسەندووەکانم بە بەڵگەوە بۆ بدۆزەرەوە."

٢. داڕێژەری ستراتیژی (The Strategist)

پرسیاری وردی ئاراستە دەکەم بە پێوەری ڕوونەوە:

• "چ هەنگاوێکی دیاریکراو، کام پێوەرەکان (KPIs) دەگۆڕێت؟ بە چ بڕێک؟ و لە چ ماوەیەکدا؟"

• پاشان داوای هەڵسەنگاندنێکی دیاریکراوی لێ دەکەم بۆ خاڵە بەهێزەکانم لە ڕکابەریدا.

• فەرمانی پێ دەکەم ئەو ئاڵەنگاریە کارگێڕییانە دەستنیشان بکات کە تایبەتن بە مۆدێلی کارەکەم.

• هەر بیرۆکەیەک دەخەمە ژێر شیکاری "بەبێ موجامەلە، پێویستی بە چییە بۆ جێبەجێکردن؟".

• داوای لێ دەکەم مەترسیە گەورەکان و نیشانە مەترسیدارەکانی قۆناغی سەرەتاییم بۆ دیاری بکات.

٣. داڕێژەری دەق (The Copywriter) هەرگیز داوای "دەقێکی باش"ـی لێ ناکەم، چونکە زۆر گشتیە. بەڵکو هەنگاو بە هەنگاو بونیادی دەنێم: هێڵە گشتیەکان ← سەردێڕەکان ← پێکهاتە ← ڕەشنووسی تەواو.

• فەرمانی پێ دەکەم شتێکی سەرنجڕاکێش دروست بکات کە دەستبەجێ بەهایەک بدات بە کڕیار (Lead Magnet).

• وادەکەم پەڕەیەکی نیشتنەوە (Landing Page) دیزاین بکات کە هەر کەسێک لە ٥ چرکەدا لێی تێبگات.

٤. بونیادنەرەکە (The Builder)

• فەرمانی پێ دەکەم بە وردی ئەو سەرچاوانەم بۆ دیاری بکات کە بۆ دەستپێکردن پێویستمە.

• وادەکەم ڕێکارە ستانداردەکانی کارکردن (SOPs)ـم بۆ بنووسێت بۆ گەورەکردنی کارەکەم.

• داوای شیکاریەکی تەواوی مەترسیە کارگێڕییەکانی لێ دەکەم.

• فەرمانی پێ دەکەم ئەو کێشە یاسایی و ڕێکخستنانە دەستنیشان بکات کە پەیوەندییان بە بوارەکەمەوە هەیە.

• لە کۆتایی هەر فەرمانێکدا، داوای هەنگاوی کرداری و کۆنکرێتی لێ دەکەم بۆ داهاتوو.

٥. بازاڕکارەکە (The Marketer)

• وادەکەم هەفتانە ١٠ بۆ ١٥ پۆستی بەهای بەرز بۆ سۆشیاڵ میدیا دروست بکات.

• فەرمانی پێ دەکەم شیکاری بۆ بینەرەکانم بکات و باشترین پلاتفۆرمەکانم بۆ دەستنیشان بکات.

• ناچاری دەکەم ناوەڕۆکێک دروست بکات کە خەڵک لە سکڕۆڵکردن بوەستێنێت.

• وادەکەم بەردەوام دەستکاری پۆستەکان بکات تا دەگاتە ئەو خاڵەی کاریگەریی سۆزداری دروست دەکات.

• فەرمانی پێ دەکەم ١٠ بیرۆکە تاقی بکاتەوە لەو کاتەی کە پێشتر تەنها بۆ تاقیکردنەوەی یەک بیرۆکە دەچوو. ئەم ئامرازانە خێرایی جێبەجێکردن زیاد دەکەن، نەک کوالێتی بیرکردنەوە. زۆرێک لەو دامەزرێنەرانەی دەیانبینم، پێش ئەوەی دڵنیا ببنەوە کە ئایا بیرۆکەکەیان شایەنی ئەوەیە کاری لەسەر بکرێت، خۆیان سەرقاڵ دەکەن بەوەی کام ئامرازی ژیریی دەستکرد بەکاربهێنن.

• وێبسایتی بێخەوش دروست دەکەن بۆ بەرهەمێک کە کەس نایەوێت.

• زنجیرە ئیمەیڵی نایاب دەنووسن بۆ کڕیارێک کە بوونی نیە.

• نمایشی پڕۆژەی (Pitch Deck) زۆر جوان دیزاین دەکەن بۆ کارێک کە هەڵەی کوشندەی تێدایە.

ئامرازەکان کێشە و ئاستەنگەکە نین. بەڵکو گریمانەی کارەکەی تۆ کێشەکەیە.

ژیریی دەستکرد بێ ئاراستەکردن، هیچ بەهایەکی نیە. ژیریی دەستکرد بە ئاراستەکردنی مامناوەند، ئەنجامی مامناوەندت دەداتێ.

ژیریی دەستکرد بە ئاراستەکردنی پێشکەوتوو، ئیمپراتۆریەتت بۆ بونیاد دەنێت.

جیاوازی نێوان ئەو خاوەنکارەی کە شکست دەهێنێت و ئەوەی کە ئیمپراتۆریەت بونیاد دەنێت، لە بەکارهێنانی ژیریی دەستکرددا نیە، بەڵکو لە لۆژیک و چۆنیەتی ئاراستەکردنیدایە.

زانیاری زیاتر لەکۆمێنتە 👇

Ahmad Birdoz