هەر جارێک مایکرۆسۆفت وەشانێکی نوێی ویندۆز دەردەکات، هەمان دیمەن دووبارە دەبێتەوە؛ جۆش و خرۆشێکی تێکەڵ بە دڵەڕاوکێ. زۆر کەس تووشی شۆک بوون کاتێک بۆیان دەرکەوت ئامێرەکانیان کە بە باشی کار دەکەن، چیدی شی

ئەمەش دەرگا بۆ قسەکردن لەسەر ویندۆز ١٢ دەکاتەوە و ئایا ئێمە لەبەردەم شەپۆلێکی نوێی دوورخستنەوەی ئامێرەکانداین، بەڵام بە شێوەیەکی فراوانتر.

ویندۆز ١١ تەنها بەهۆی شێوە نوێیەکەیەوە نەبووە جێی مشتومڕ، بەڵکو بەهۆی مەرجە ئەمنیە توندەکانی وەک TPM 2.0 کە ملیۆنان ئامێری دوورخستەوە. لەناکاو چیتر "کارایی باش" بەس نەبوو، بەڵکو خودی ڕەقەکاڵاکە (Hardware) کەوتە ژێر تاقیکردنەوەوە. ئەمەش ئێمە دەبات بەرەو پێشبینیەکانی ویندۆز ١٢، کە وا دیارە لەم ئاراستە ئەمنی و تەکنیکییەدا هەنگاوی زیاتر دەسپێرێت.

زانیارییە دزەپێکراوەکان ئاماژە بە تێکەڵبوونی قووڵتر لەگەڵ "هەور" (Cloud)، بەستنەوەی زیاتر بە هەژماری مایکرۆسۆفت، و ڕەنگە پشت‌ بەستنی سەرەکی بە پەیوەندی بەردەوامی ئینتەرنێت بکەن. سیستمەکە چیتر تەنها بەرنامەیەک نیە، بەڵکو پلاتفۆرمێکی خزمەتگوزارییە کە بەردەوام پەیوەستە. لێرەدا پرسیارێکی گرنگ سەبارەت بە تایبەتمەندی و کۆنتڕۆڵکردنی داتاکان لە جیهانێکدا سەر هەڵدەدات کە زیاتر و زیاتر پشت بە پەیوەندی بەردەوام دەبەستێت.

ژیری دەستکرد لە چەقی ئەم ئەزموونەدا دەبێت؛ لە گەڕانی ناو ئامێرەکەوە تا ڕێکخستنی فایلەکان و گۆڕینی تایبەتمەندیەکان بە شێوەیەکی خۆکار بەپێی بەکارهێنانت. بیرۆکەکە سەرنجڕاکێشە، بەڵام هەر تایبەتمەندیەکی زیرەک واتە بەکارهێنانی زیاتری سەرچاوەکانی ئامێرەکە و ڕەنگە پشت‌ بەستنی زیاتر بە سێرڤەرەکانی کۆمپانیاکە. ئەمەش دەمانگەڕێنێتەوە بۆ هاوکێشە سەختەکەی نێوان ئاسوودەیی و کۆنتڕۆڵ، و لە نێوان ژیری زیادە و تایبەتمەندی کەسیدا.

لە لایەکی ترەوە، قسەو باس دەربارەی مەرجی ڕەقەکاڵای توندتر دووبارە دەبێتەوە؛ یەکەی چارەسەری نوێتر و تەکنەلۆژیای پاراستنی پێشکەوتوو کە ڕەنگە ئەو ئامێرانە دووربخەنەوە کە تەنها چەند ساڵێکە کڕدراون. ئەمەش تاکەکان و کۆمپانیاکان دەخاتە بەردەم خولێکی خێراتری نوێکردنەوە و تێچووی بەرزتر لەوەی ڕاهاتبوون.

لە بەرامبەردا، بایەخدان بە لینوکس (Linux) وەک بژاردەیەکی کرداری زیاد دەکات نەک تەنها وەک بژاردەیەکی ئایدیۆلۆژی. وەشانە (Distros) نوێیەکان ئەزموونێکی نزیک لە ویندۆز پێشکەش دەکەن، سەرچاوەی کەمتری ئامێرەکە بەکاردەهێنن، و ئازادی بە بەکارهێنەر دەدەن بەبێ سەپاندنی هەژمارێکی ناوەندی. ئەمەش دەریدەخات کە بابەتەکە چیتر تەنها بەراوردکردنی سیستمەکان نیە، بەڵکو گەڕانە بەدوای فەلسەفەیەکی کارپێکردن کە لەگەڵ پێداویستیەکانی هەر کەسێکدا بگونجێت.

لە کۆتاییدا، کێشەکە تەنها ناوی ویندۆز ١٢ نیە، بەقەد ئەوەی شێوازی سیستمە کارپێکەرە نوێیەکانە؛ تێکەڵبوونی زیاتر لەگەڵ هەور، ژیری دەستکردی ڕەگداکوتاو، و مۆدێلی خزمەتگوزاری بەردەوام. لێرەدا گرنگترین پرسیار بۆ تۆ وەک بەکارهێنەر دەمێنێتەوە: ئایا سیستەمێکت پێ باشە کە هەموو شتێکت بۆ دابین بکات لە بەرامبەر وابەستەیی بەردەوام بە خزمەتگوزارییەکانی کۆمپانیاکە، یان سیستەمێک کە ئازادییەکی زیاترت پێ بدات تەنانەت ئەگەر هەوڵێکی زیاتریشی بوێت؟

#AhmadBirdoz #BirdozTech #ژیان٠٠لەگەڵ٠٠تەکنەلۆژیا