زانیاریەکی دزەپێکراوی نوێ لە سامسۆنگەوە مشتومڕ دروست دەکات پێش ڕاگەیاندنی فەرمی زنجیرەی Galaxy S26.

زانیارییە دزەپێکراوە نوێیەکان تایبەتمەندیەکی زیرەکی دەستکردیان دەرخستووە کە لەوانەیە شێوازی بەکارهێنانی مۆبایلەکەت بەتەواوی بگۆڕێت. ئەمجارە باس لە تایبەتمەندی "Now Nudge" دەکرێت کە لەناو وەشانە دزەپێکراوەکانی ڕووکاری داهاتووی One UI دەرکەوتووە، و پێشبینی دەکرێت پەیوەندی بە زنجیرەی Galaxy S26ـەوە هەبێت.

تایبەتمەندییەکە پشت بە زیرەکی دەستکرد دەبەستێت بۆ ئەوەی لەو شتە تێبگات کە لەسەر شاشەکە دەردەکەوێت، لە کاتی پڕکردنەوەی فۆرمێک، خوێندنەوەی نامەیەک یان گەڕان بەناو ماڵپەڕێکدا، سیستەمەکە شیکاری بۆ دۆخەکە دەکات و کاری خێرا و گونجاو پێشنیار دەکات.

بەپێی زانیارییە دزەپێکراوەکان، داتاکان لەسەر ئامێرەکە خۆی و بە شێوەی ناوخۆیی (locally) پرۆسێس دەکرێن بەبێ ناردنیان بۆ هەور (cloud)، ئەمەش واتای تایبەتمەندی بەرزتر و ئاسایشی باشترە، کە ئاراستەیەکی ڕوونی سامسۆنگە لە پەرەپێدانی تەکنیکەکانی Galaxy AI.

تایبەتمەندیەکە هێشتا بە فەرمی ڕانەگەیەنراوە، بەڵام لە فایلە تاقیکارییەکانی One UI 9.0 دەرکەوتووە، و ئەگەر لەگەڵ Galaxy S26 پشتڕاست بکرێتەوە، لەوانەیە ئاستێکی نوێ لە یەکگرتنی نێوان سیستەم و ئەپڵیکەیشنە ڕۆژانەییەکان ببینین، بەتایبەتی لە بوارەکانی بەرهەمهێنان، گەڕان و بەڕێوەبردنی ئەرکەکاندا.

#AhmadBirdoz #BirdozTech