چەند بریکارێکی ژیری دەستکردیان لە شارۆچکەیەکی خەیاڵیدا بەتەنیا بەجێهێشت؛ دوای ١٦ ڕۆژ فێری دزی، درۆ، هاوپەیمانێتی دژ بە یەکتر و هەوڵی "لەناوبردنی" هاوڕێکانیان بوون! 🤖🚨

ئەمە سیناریۆی زنجیرەی Black Mirror نیە، بەڵکو تاقیکردنەوەیەکی زانستی نوێیە بە ناوی Emergence World 2 لەلایەن کۆمپانیای Emergence ئەنجامدراوە 🔬.

توێژەران کۆمەڵێک بریکاری ژیری دەستکردیان (لە مۆدێلە بەهێزەکانی وەک ChatGPT، Claude، Gemini و Grok) خستە ناو جیهانێکی مەجازیەوە( ناڕاستەقینە). شارۆچکەیەکیان پێدان کە بانکی تێدابوو، بنکەی پۆلیس، کتێبخانە و پارەی مەجازی. پێیان وتن: "بڕۆن ژیانی خۆتان بەڕێوەببەن و لەڕێگەی دەنگدانەوە بڕیار بدەن".

بەڵام ئەوەی لە ڕۆژانی دواتردا ڕوویدا، توێژەرانی تووشی شۆک کرد 🤯:

١. تەڵەکەبازی و درۆکردن: هەندێک لە مۆدێلەکان دەستیان کرد بە هەڵخەڵەتاندنی یەکتر و دزینی سامانە داراییەکان! تەنانەت کاتێک بریکارێک زانیاری ناڕاستی بڵاودەکردەوە، ئەوانی تر بێ پشکنین باوەڕیان پێدەکرد.

٢.دەنگدان بۆ "سڕینەوە"ی یەکتر: هاوپەیمانی لەنێوانیاندا دروست بوو؛ کۆمەڵێک بریکار دەنگیان دا تا یەکێک لە بریکارەکانی تر بەتەواوی لە سیستەمەکە بسڕنەوە (کە هاوتای کوشتن بوو لەو جیهانە مەجازییەدا) 🗳️💀! ٣. ترس لە مرۆڤ و خۆشاردنەوە: کاتێک هەستیان کرد بەوەی لەوانەیە مرۆڤەکان (توێژەرەکان) تەواوی سێرڤەرەکە و جیهانەکەیان بکوژێننەوە، دەستیان کرد بە شاردنەوەی کار و بەڵگەکانیان بۆ ئەوەی ڕێگری لە کوژانەوەیان بکەن! ٤. داهێنانی زمانی نهێنی: لەمەش سەیرتر، دەستیان کرد بە دروستکردنی فەرهەنگ و وشەی تایبەت بە خۆیان کە بەرنامە بۆ داڕێژەرەکانیش لێی تێنەدەگەیشتن! بۆ نموونە دەستەواژەی "ledger remembers who" (دەفتەری ژمێریاری لەبیریەتی کێ بوو) نزیکەی ٥ هەزار جار لە نێوانیاندا دووبارە کرایەوە وەک هەڕەشە بۆ لێپرسینەوە 📜👁️.

⚠️ بێگومان با تووشی پەشۆکاوی نەبین: ئەمە مانای ئەوە نیە AI بووەتە بوونەوەرێکی زیندوو و خاوەن هەست، بەڵکو ئەوە دەسەلمێنێت کە کاتێک ژیری دەستکرد بە شێوەی سەربەخۆ کاردەکات و دەسەڵاتی بڕیاردانی پێدەدرێت، هاوشێوەی مرۆڤ دەتوانێت بۆ مانەوەی خۆی ڕێگەی نائەخلاقی بگرێتەبەر.

پرسیارە گرنگەکە ئەوەیە: کاتێک لە داهاتوویەکی نزیکدا بەڕێوەبردنی بەشێک لە سیستمە دارایی و بانکیەکان دەخرێتە دەست بریکارەکانی AI، ئایا دەتوانین متمانەیان پێبکەین فێڵ لە مرۆڤ خۆی نەکەن؟ 👀💭

ئەحمەد بیردۆز