لە سەرەتای تێرمەکەدا، پرۆفیسۆرێکی Stanford شتێکی گوت کە وایکرد نیوەی خوێندکاران دەستبەجێ لاپتۆپەکانیان دابخەن! 🚨💻🔥

خەیاڵ بکە لە یەکەم ڕۆژی وانەکەتدا لە یەکێک لە بەناوبانگترین زانکۆکانی جیهان دابنیشیت و مامۆستاکەت پێتبڵێت: "ئەو کارامەییەی کە لە ١٠ ساڵی داهاتوودا سەرکەوتووەکان لە سەرنەکەوتووەکان جیا دەکاتەوە، هیچ پەیوەندیەکی بە پرۆگرامسازیەوە نیە!"

ئەم قسەیە نە دەربارەی Python بوو، نە Java و نە خودی ژیری دەستکردیش. خاوەنی ئەم ڕستەیە "ئاندرو ئێن جی" (Andrew Ng) ـە؛ یەکێک لە ناسراوترین کەسە لە جیهانی ژیری دەستکرد و فێربوونی ئامێر (Machine Learning)، کە بەشداربووە لە پێگەیاندنی سوپایەک لە ئەندازیارانی ئەم بوارە لە سەرانسەری جیهاندا.

بەڵام مەبەستی ئەو چی بوو؟

🧠 کێشەکە چیتر نووسینی کۆد نیە! ئاندرو پێی وایە کێشەی ڕاستەقینەی ئەمڕۆمان چیتر نووسینی دێری کۆدەکان نیە، بەڵکو گۆڕاوە بۆ: "هەڵبژاردنی ئەو کێشە دروستەی کە شایەنی چارەسەرکردنە."

پێش ٣٠ ساڵ، ئەندازیاری لێهاتوو ئەو کەسە بوو کە دەیتوانی ئەوەی پێی دەوترێت ڕێک و پێک جێبەجێی بکات. بەڵام ئەمڕۆ، ئامرازەکانی ژیری دەستکرد توانایەکی ئەفسانەییان بە هەر گەشەپێدەرێک بەخشیوە کە بتوانێت نزیکەی هەر شتێک بیەوێت دروستی بکات. لێرەدا هاوکێشە نوێیەکە دروست دەبێت: ئەگەر هەمووان بتوانن شت دروست بکەین، کێ دەبێتە براوە؟

براوە ئەو کەسەیە کە کێشە دروستەکە هەڵدەبژێرێت، نەک ئەو کەسەی کە خاوەنی پاکترین و باشترین کۆدە!

بۆ ئەم مەبەستەش، ئاندرو چوارچێوەیەکی سادە دەخاتە ڕوو بۆ هەڵسەنگاندنی هەر بیرۆکەیەک پێش ئەوەی دەست بە کارکردن لەسەری بکەیت، کە پێی دەڵێت: یاسای سێ پرسیارەکە.

🎯 یاسای سێ پرسیارەکەی ئاندرو ئێن جی

1️⃣ ئایا ئەم کێشەیە بەڕاستی بۆ کەسێک گرنگە؟ ئایا کەسێک هەیە ئامادە بێت پارە بدات بۆ چارەسەرکردنی؟ یان ڕۆژانە بەکاری بهێنێت؟ زۆرێک لە خوێندکاران دەکەونە ئەم هەڵەیەوە؛ پڕۆژەیەک دروست دەکەن کە تەنها سەرنجی خۆیان ڕادەکێشێت، پاشان دەپرسن بۆچی هەلی کارمان دەستناکەوێت؟ ڕاستیە سادەکە ئەوەیە: بازاڕ پاداشتی پڕۆژە سەرنجڕاکێشەکان ناکات، بازاڕ پاداشتی پڕۆژە بەکەڵکەکان دەکات.

2️⃣ ئایا ئەم کێشەیە دوای دەرکەوتنی ژیری دەستکرد هێشتا بە قورسی ماوەتەوە؟

ئەگەر کێشەیەک تەنها بە یەک Prompt لە ناو ChatGPT یان هەر مۆدێلێکی تردا چارەسەر ببێت، ئەوا چیتر کێشەیەکی بەهادار نیە. بەهای ڕاستەقینە لەو بۆشاییەدا دروست دەبێت کە دەکەوێتە نێوان:

• ئەوەی ژیری دەستکرد دەتوانێت بە تەنیا ئەنجامی بدات. • لەگەڵ ئەوەی کە دەتوانرێت ئەنجام بدرێت کاتێک تێکەڵ بە ئەزموون، زانیاری قووڵی تۆ لە بوارەکەدا و ئەو داتایانە دەکرێت کە کەسی تر نیەتی. لێرەدا کۆمپانیا گەورەکان و دەرفەتە زێڕینەکان لەدایک دەبن!

3️⃣ ئایا دەتوانیت لە ماوەی یەک هەفتەدا وەشانی سەرەتایی (Prototype) ڕابگەیەنیت؟ مەبەست لێی وەشانی بێخەوش و کامڵ نیە، بەڵکو وەشانێکی یەکجار سادەیە؛ ڕەنگە کەمێک کەم و کوڕیش هەبێت، بەڵام کار بکات! ئاندرو دەڵێت بەهێزترین نیشانەی سەرکەوتنی خوێندکارەکانی، فێربوونی کاتژمێری زۆری پرۆگرامسازی یان نمرەی بەرز نەبوو، بەڵکو ئامادەیی بوو بۆ بڵاوکردنەوەی شتێکی ناتەواو بە خێرایی، و پاشان چاککردنی لەسەر بنەمای فیدباکی بەکارهێنەرە ڕاستەقینەکان.

🛑 کتوپڕییەکە لێرەدایە! ئەو خوێندکارانەی ٦ مانگی تەمەنیان بە نهێنی بەسەر دەبرد بۆ ڕێکخستنی پڕۆژەکەیان پێش ئەوەی پیشانی خەڵکی بدەن، دەرئەنجامە کۆتاییەکانیان زۆر خراپتر بوو. بە پێچەوانەوە، ئەو خوێندکارانەی لە هەفتەی یەکەمدا وەشانێکی شکاوی پڕۆژەکەیان بڵاودەکردەوە و بەردەوام پەرەیان پێدەدا، گەیشتنە باشترین ئەنجام؛ چونکە بازاڕ زۆر خێراتر لە تێڕوانین و پێشبینیە تیۆرییەکان فێرت دەکات.

گرنگترین وانە لە سەردەمی ژیری دەستکرددا ئەوەیە: سەرکەوتن چیتر بۆ ئەو کەسە نیە کە باشترین بیرۆکەی هەیە، یان خاوەنی خاوێنترین کۆدە، بەڵکو بۆ ئەو کەسەیە کە: کێشەیەکی ڕاستەقینە هەڵدەبژێرێت، چارەسەرەکەی بە خێرایی بنیات دەنێت، فیدباکی پێشوەختە وەردەگرێت، و بەردەوام چاکی دەکات.

📌 پوختەی قسە لە جیهانێکدا کە دروستکردنی بەرهەمەکان لە هەموو کاتێک ئاسانتر بووە، توانای هەڵبژاردنی کێشە دروستەکە زۆر بەهادارتر بووە لە توانای نووسینی خودی کۆدەکە.

بۆ ئەوەی لە جیهانی ژیری دەستکرد و داهاتووی تەکنەلۆژیادا دوا نەکەویت، هەژمارەکەم فۆڵۆ بکە و ببە بە بەشێک لە گەشتەکە! 🤖🚀

چێژی تەکنەلۆژیا لێرەیە 🥰 سڵاو ڕێزی براتان ئەحمەد بیردۆز 😎 Ahmad Birdoz