DEVICES
کاتێک گووگڵ جادووی ڕاستەقینەی لەدەستدا: چیرۆکی شکست و ڕیکلامی ناواقیعی Google Glass! 🕶️❌
Ahmad Birdoz2 min read
زۆرجار لە جیهانی تەکنەلۆژیادا، یەکەمین بوون بە مانای سەرکەوتن نایەت. کۆمپانیای گووگڵ دەرفەتێکی زێڕین و بێ وێنەی لەبەردەم بوو بۆ ئەوەی ببێتە پاشای بێرکابەری بازاڕی چاویلکەکانی واقیعی زیادکراو (AR) لە ڕێگەی پڕۆژەی ناوداری Google Glass، بەڵام بەهۆی کەمپینە میدیاییە دابڕاوەکانی لە واقیع، ئەو چانسە گەورەیەی بە فیڕۆ دا.
با پێکەوە بزانین لەم گەشتەدا چی ڕوویدا؟ 🟥 سەرەتای خەونەکە: ٢٠١٢ و سەرهەڵدانی چاویلکەکە چیرۆکەکە لە ساڵی ٢٠١٢وە دەست پێدەکات، کاتێک سێرگی برین، هاودامەزرێنەری گووگڵ، پەردەی لەسەر وەشانی گەڕیدە (Explorer Edition) لادا و لە ساڵی ٢٠١٣دا بە فەرمی خرایە بەردەست گەشەپێدەران. بیرۆکەکە بریتی بوو لە پێشکەشکردنی ئامێرێکی پۆشەر لە شێوەی چوارچێوەی چاویلکەیەکی سادە کە لە ڕێگەی فەرمانی دەنگی، بینین و جووڵەی شوێنییەوە کۆنترۆڵ دەکرا. ئامێرەکە کامێرا و پڕۆجێکتەرێکی بچووکی تێدا جێگیر کرابوو. 🟥 تەکنەلۆژیا و ڕەخنە توندەکان: کێشەی ئەمنی و تایبەتمەندێتی ئەم چاویلکەیە لەسەر سیستەمی کارپێکردنی Android کاری دەکرد و پشتی بە سیستمەکانی ژیریی دەستکرد و درکپێکردن دەبەست بۆ جێبەجێکردنی فەرمانەکانی بەکارهێنەر، بە جۆرێک کە زانیاریەکانی ڕاستەقینە لەسەر هاوێنەی چاویلکەکە پیشان دەدا. بەڵام خەونەکە زۆری نەخایاند! چاویلکەکە ڕووبەڕووی شەپۆلێکی توندی ڕەخنە بووەوە؛ خەڵکی بە پێشێلکردنی بێپێشینەی تایبەتمەندی کەسی دەزانی، چونکە بەکارهێنەر دەیتوانی بەبێ ئاگاداری، وێنە و ڤیدیۆی کەس و شوێنەکان بگرێت. جگە لەمەش، مەترسی لەسەر سەلامەتی خودی بەکارهێنەرەکەش دروست کردبوو لە کاتی ڕێکردندا. 🟥 بۆچی پڕۆژەکە بە تەواوی پشتی شکا؟ تەنها یەک ساڵ دوای ڕاگرتنی لە بازاڕدا، گووگڵ لە ساڵی ٢٠١٥دا کۆتایی هاتنی بەرهەمهێنانی ڕاگەیاند. هۆکارەکانی ئەم شکستە گەورەیەش ئەمانە بوون: • نرخی خەیاڵی: ئامێرەکە بە نرخی یەکجاز گران و باوەڕپێنەکراوی ١٥٠٠ دۆلار تەنها پێشکەشی گەشەپێدەران کرا.
• ڕیکلامی دوور لە واقیع: گووگڵ نەیتوانی ئەو ئەزموونە خەیاڵییەی واقیعی زیادکراو (AR) پێشکەش بکات کە لە کەمپینە مارکێتینگەکانیدا هاواری بۆ دەکرد. چاویلکەکە لە واقیعدا هیچ داهێنانێکی ئەوتۆی پێ نەبوو.
• مۆبایلە زیرەکەکان باشتر بوون: سەرجەم تایبەتمەندیەکانی چاویلکەکە، لە ڕێگەی مۆبایلە زیرەکەکانەوە زۆر ئاسانتر و بە کوالێتیەکی یەکجار بەرزتر بەدەست دەهاتن، بۆیە نەیانتوانی پێداویستیەکانی کڕیاران پڕ بکەنەوە. 🟥 هەوڵە بێسوودەکان و نیگایەک بەرەو داهاتوو 🏹🚀 ئەگەرچی گووگڵ لە ساڵانی ٢٠١٧ و ٢٠١٩دا هەوڵیدا لە ڕێگەی وەشانی بازرگانی و دامەزراوەکان (Enterprise Edition) بگەڕێتەوە ناو مەیدانەکە، بەڵام دواجار لە ساڵی ٢٠٢٣دا ئەم پڕۆژەیەی بە تەواوی و بۆ هەمیشە کۆتایی پێهێنا.
ئێستا و لەم سەردەمە نوێیەدا، گووگڵ پلانی داناوە بۆ بڵاوکردنەوەی چاویلکە زیرەکەکانی داهاتووی کە بە سەکۆی پێشکەوتووی Android XR کار دەکەن، ئەمەش بە هاوکاریی دوو دێوەزمەی تری جیهان واتە Samsung و Qualcomm. پرسیارە زێڕینەکە لێرەدایە: ئایا گووگڵ وانەی لە هەڵەکانی ڕابردووی وەرگرتووە و جادوویەکی ڕاستەقینە پێشکەش دەکات، یان مێژوو خۆی دووبارە دەکاتەوە؟
چێژی تەکنەلۆژیا لێرەیە 🥰 سڵاو ڕێزی براتان ئەحمەد بیردۆز 😎💜 Ahmad Birdoz
پۆستە پەیوەندیدارەکان
- هیچ کات بەمشێوەیە ژیاوی؟
ahmadtechhttps://plus.google.com/s/%23ahmadtech/posts birdoztechhttps://plus.google.com/s/%23birdoztech/posts
- بۆچی ئەپڵ زۆربەی ناوی بەرهەمەکانی بەپیتی ئای دەستپێدەکات؟
زۆربەی ئامێرو بەرهەمەکانی کۆمپانیای ئەپڵ بەپیتی ئای i دەست پێدەکات وەکو ئایفۆن و ئایپاد و ئایماک و ئایتونز، ئەمەش دەبێتە جیاکەرەیەک بۆ کۆمپانیاکەو بەرهەمەکانی.…
- ڕێکلامێکی زیرەکانە 😎
BirdozTechhttps://plus.google.com/s/%23BirdozTech/posts www.BirdozTech.comhttp://www.birdoztech.com/
- 🟥 لە دروستکردنی کەوەنتەر بۆ دەوڵەمەندترین پیاوی تایوان: چۆن پارچەیەکی سادەی سێرڤەر سەروەتێکی ٢٠ ملیار دۆلاری دروستکرد؟ 🗄️🤖💰
کاتێک باس لە شۆڕشی AI و قازانجی خەیاڵی دەکرێت، هەمیشە هەموو چاوەکان دەچنە سەر پڕۆسێسەرەکانی Nvidia و مۆدێلە ئاڵۆزەکانی ژیری دەستکرد، بەڵام هەندێک جار سەرکەوتنی…
- HONOR لۆگۆی بڕاندەکەی خۆی گۆڕی
بە بۆنەی تێپەڕبوونی پێنج ساڵ بەسەر دەرکردنی بڕاندی HONORی بازرگانی ، کۆمپانیا چینەکە لۆگۆی تازەی بڕاندەکەی ڕاگەیاند. کۆمپانیای HONOR سەرکەوتوو بوو لەوەی لەبازاڕ…
- Surface Pro 3
سێیەم هەوڵدانی مایکرۆسۆفتە لۆ ئەوەی بتانی سیستەمە نوییەکەی ویندۆز 8 پیشبخات و بە بازاڕی هەموو دنیای بلاوبکاتەوە. پێشتر مایکرۆسۆفت بەس ماوسی هەبوو کە رێکلامی پێ…