شۆک: کۆتایی بە قۆرخکاریەکەی ئەپڵ هات! مایکرۆسۆفت چەکێکی وێرانکەری ڕاگەیاند 💻🔥

دوای چەندین ساڵ مانەوە لە ژێر سێبەری MacBook Pro، مایکرۆسۆفت بڕیارێکی مێژوویی دا و لاپتۆپی (Surface Laptop Ultra) ـی ڕاگەیاند. کاتێک سەیری ئامار و ژمارەکان دەکەین، خوێنەر تووشی شۆک دەبێت و وا دەردەکەوێت ئەپڵ لەبەردەم گەورەترین هەڕەشەی مێژووییدایە!

بەڵام با وەک هەمیشە پڕوپاگەندەی بازاڕ (Hype) فلتەر بکەین؛ ئایا ئەمە تەنها ڕیکلامە یان بەڕاستی شۆڕشێکە؟ با بە لۆژیک و زانستە ڕەقەکە شیکردنەوەی بۆ بکەین: 🛑 ڕاستیە زانستیەکان: بۆچی ئەم ئامێرە جیاوازە؟ لەم سەنعەتەدا، مایکرۆسۆفت هەمیشە بە دیزاینە سەیر و تاقیکاریە فەلسەفیەکانی ناسرابوو، بەڵام ئەمجارە دەستبەرداری ئەو فەلسەفەیە بووە و گەڕاوەتەوە بۆ دیزاینێکی کلاسیکی پتەو، لەگەڵ بەکارهێنانی هێزێکی دڕندانە بە هاوبەشی لەگەڵ Nvidia. ئامانجەکە ڕوونە: ڕاکێشانی دروستکەرانی ناوەڕۆک (Creators) لە ئەپڵەوە بۆ سیستەمی ویندۆز. ⚙️ شیکاریە تەکنیکیەکان: شۆڕشی ARM بە چیپی NVIDIA RTX Spark: پڕۆسێسەرەکە لە ٢٠ ناوک پێکهاتووە لەسەر بنچینەی ARM بە سنووری وزەی تەنها ٨٠ وات (واتە پاتریەکی بەهێز و کەمترین گەرمی). گرافیکەکەشی (GPU) خاوەنی ٦٠٠٠ ناوکی بچووکە کە تواناکەی بەتەواوی هاوتایە لەگەڵ کارتی شاشەی دڕندەی RTX 5070!

یادگەی یەکگرتوو (Unified Memory): بۆ یەکەمجار لە مێژووی ویندۆزدا! مایکرۆسۆفت هەمان نهێنی سەرکەوتنەکەی ئەپڵی بەکارهێناوە کە ١٢٨ گێگابایت ڕامی یەکگرتووە. ئەمە واتە چی؟ واتە ڕامەکە لە نێوان پڕۆسێسەر و گرافیکدا هاوبەشە بە خێراییەکی زەبەلاح، کە بەتەواوی کێشەی خاوەخاوی (Bottleneck) لەناودەبات.

هێزی ١ پێتافلۆپ بۆ ژیری دەستکرد: یەکەی پڕۆسێسکردنی دەماری (NPU) هێزەکەی دەگاتە ١ پێتافلۆپ. با زانستیانە بیڵێین: پێتافلۆپ واتە کۆمپیوتەرەکە دەتوانێت لە یەک چرکەدا "کوادریلیۆنێک" (یەک ملیۆن ملیار) پرۆسەی حیسابی بکات! ئەمەش واتە خێراترین ئامێر بۆ کارپێکردنی بریکار (Agent) و مۆدێلەکانی ژیری دەستکرد لەسەر خودی لاپتۆپەکە بەبێ هێڵی ئینتەرنێت.

ڕوونما و دەرچەکان: شاشەیەکی ١٥ ئینجی لە جۆری Mini-LED PixelSense بە تێکڕای نوێبوونەوەی 120Hz. لەگەڵ گەڕانەوەی دەرچەکانی وەک HDMIـی تەواو، خوێنەری SD Card، و USB-A و USB-C بەبێ پێویستی بە دۆنگڵ.

تراکپاد (Trackpad): مایکرۆسۆفت گەورەترین تابلۆی لەمسی (Haptic Trackpad) لە مێژووی زنجیرەی Surfaceـدا جێگیر کردووە.

پوختەی قسە: ئەم وەشانە نوێیەی مایکرۆسۆفت تەنها لاپتۆپێک نیە، بەڵکو ڕاگەیاندنی جەنگێکی کراوەیە دژی MacBook Pro، بەتایبەت بۆ ئەوانەی کاری مۆنتاژ، سێ ڕەهەندی و گرافیک دەکەن.

پێکەنینێکی تەکنیکی: خۆشبەختانە مایکرۆسۆفت کۆتایی بە دیزاینە سەیرەکانی هێنا و دەرچەی HDMI و SD گەڕاندەوە. ئێستا بەکارهێنەرانی ویندۆز دەتوانن ئەو جانتا پڕ لە دۆنگڵ و کێبڵانەیان فڕێ بدەن کە ساڵانێکە وەک دەرمانی زەخت لەگەڵ خۆیاندا هەڵیان دەگرت! ئەوەی ماوەتەوە تەنها ئەوەیە کە بزانین بەو هێزی ١ پێتافلۆپە، ویندۆز چەند خێراتر دەتوانێت لە ناوەڕاستی ئیشێکی گرنگدا شاشە شینەکە (Blue Screen) مان بۆ بهێنێت! 😂💻

ئەی ئێوە چۆن دەڕواننە ئەم هەنگاوەی مایکرۆسۆفت؟ ئایا کاتی ئەوە هاتووە بەکارهێنەرانی ماکبووک بگەڕێنەوە بۆ ویندۆز؟

چێژی تەکنەلۆژیا لێرەیە 🥰

ڕێز و سڵاوی براتان ئەحمەد بیردۆز 😎💜 Ahmad Birdoz