🚨 کۆتایی سەردەمی گوگڵ؟ چۆن مەکینەی گەڕان خەریکە وێبسایتەکان لەناو دەبات! 🌐

پێدەچێت بە یەکجاری ماڵئاوایی لەو شێوازەی گوگڵ بکەین کە ساڵانێکە ڕاهاتووین لەسەری! لە کۆنگرەی Google I/O، گوگڵ بڕیارێکی شۆککەری دا کە شێوازی بەکارهێنانی ئینتەرنێت بەتەواوی دەگۆڕێت و جەنگێکی گەورەی لەگەڵ دروستکەرانی ناوەڕۆک هەڵگیرساندووە. 🔍 یاساکانی یاریەکە گۆڕان! گوگڵ ئێستا بە شێوەیەکی فراوان و ڕاستەوخۆ پشت بە ژیریی دەستکرد دەبەستێت لەناو ئەنجامەکانی گەڕاندا. لەبری ئەوەی وشەیەک بنووسیت و سەدان وێبسایتت پێبدات بۆ ئەوەی خۆت هەڵیبژێریت، ئێستا بریکارە زیرەکەکانی گوگڵ (AI Agents) خۆیان پوختەی وەڵامەکەت بۆ ئامادە دەکەن. واتە مەکینەی گەڕانەکە بووەتە شتێک هاوشێوەی چاتبۆت. ⚠️ بۆچی ناڕەزایەتیەکان هێندە زۆرن؟ ئەم هەنگاوە دوو کێشەی گەورەی لەم بوارەدا دروست کردووە: ١. سەپاندنی AI و هەڵەی زانستی: گوگڵ ئەمە بەسەر بەکارهێنەراندا دەسەپێنێت، تەنانەت ئەگەر وەڵامەکان هەندێک جار هەڵە و ناڕاستیش بن. ئەو ئەزموونە سادەیەی گەڕان خەریکە ون دەبێت.

٢. کوشتنی دروستکەرانی ناوەڕۆک: ئەمە گەورەترین گورزە لە خاوەن وێبسایتەکان. گوگڵ ناوەڕۆک و ماندووبوونی ئەوان دەبات و وەک پوختەیەک لە سەرەوە نیشانی دەدات. بەم لۆژیکە، بەکارهێنەر چیتر کرتە (Click) لەسەر لینکی وێبسایتەکان ناکات، بەمەش سەردانیکەر کەم دەبێتەوە و سەرچاوەی داهات و ڕیکلامەکانیان لەناو دەچێت. 🦆 براوەی ئەم جەنگە کێیە؟ لەم نێوەندەدا، بزوێنەری گەڕانی DuckDuckGo گەورەترین سوودمەندە. ئەم پلاتفۆرمە تەرکیز دەکاتە سەر "گەڕانی پاک" بەبێ دەست تێوەردانی AI. بەکارهێنەران بە لێشاو ڕوو لەم وەشانە سادەترە دەکەن چونکە دەیانەوێت ئەنجامی گەڕانی تەقلیدی ببینن بەبێ ئەوەی کەسێک پوختەیان بەسەردا بسەپێنێت.

پێکەنینێکی تەکنیکی: جێگەی سەرسوڕمانە... گوگڵ ساڵانێکە پێمان دەڵێت "بابەت بنووسن بۆ ئەوەی خەڵک سەردانی وێبسایتەکانتان بکات"، ئێستا خۆی لە دەرگای وێبسایتەکان دەدات، زانیارییەکانیان کۆپی دەکات، و بە بەکارهێنەر دەڵێت: "پێویست ناکات بچیتە ژوورەوە، خۆم هەموو شتێکم بۆ هێناویت!" ئەمە ڕێک وەک ئەوە وایە چێشتلێنەرێک خواردنەکەت بۆ ئامادە بکات، بەڵام گارسۆنەکە خۆی بیخوات و تەنها باسی تامەکەی بۆ تۆ بکات! 😂🍽️

ئەی تۆ چۆن دەڕوانیتە ئەم گۆڕانکاریە؟ ئایا پێت باشە ژیری دەستکرد وەڵامی ئامادەت بداتێ، یان حەز دەکەیت خۆت لەناو وێبسایتەکاندا بگەڕێیت؟ ئایا کاتی ئەوە هاتووە بزوێنەری گەڕانمان بگۆڕین؟

چێژی تەکنەلۆژیا لێرەیە 🥰 ڕێز و سڵاوی براتان ئەحمەد بیردۆز 😎💜 Ahmad Birdoz