پاتریەکی نوێ بە ئاسن کاردەکات! ماڵئاوایی لە لیسیۆم بکە؟ 🔋🛠️

⚡️زانایانی چین پاتریەکی نوێیان دروستکردووە کە بەتەواوی پشتی بە ئاسن بەستووە لەبری لیسیۆم. پاترییەکە ٨٠ جار هەرزانترە، دەتوانێت بۆ ماوەی ١٦ ساڵ بێ کێشە کاربکات، و چارەسەرێکی زۆر باشە بۆ هەڵگرتنی وزەی کارەبا بە بڕی زۆر. . . . . . 📝 درێژەی بابەت و وردەکارییەکان: زانایانی 'پەیمانگای توێژینەوەی کانزاکان' لە ئەکادیمیای زانستی چین (Chinese Academy of Sciences) جۆرێکی نوێی پاتریان پەرەپێداوە کە پێی دەوترێت پاتری لێشاوی (Flow Battery) و بۆ هەڵگرتنی وزە بۆ ماوەیەکی درێژ، بەتەواوی بە کانزای ئاسن کاردەکات.

ئامارە سەرسوڕهێنەرەکانی ئەم پاتریە: » تەمەنی درێژ: پاترییەکە زیاتر لە ٦٠٠٠ سووڕی شەحنکردنەوەی (Cycles) تێپەڕاندووە، کە دەکاتە نزیکەی ١٦ ساڵ بەکارهێنانی ڕۆژانە، بەبێ ئەوەی توانای هەڵگرتنی (Capacity) کەم بکات!

» سەلامەتی و کارایی: توانای ڕێگریکردن لە دزەکردنی ٩٩.٤٪ـە، وە کارایی وزەکەی (Energy Efficiency) دەگاتە ٧٨.٥٪.

• » تێچووی کەم: باشترین خاڵ ئەوەیە کە ئاسن نزیکەی ٨٠ جار هەرزانترە لە لیسیۆم. لەگەڵ کەمبوونەوەی یەدەگی لیسیۆم لە جیهاندا، ئەمە دەبێتە جێگرەوەیەکی بنەڕەتی (Fundamental) بۆ هەڵگرتنی وزە بە ڕێژەیەکی زۆر. ئەم تەکنەلۆژیایە زۆر باشە بۆ پشتگیریکردنی تۆڕەکانی کارەبا (Power Grids) و هەڵگرتنی وزە نوێبووەوەکان (وەک وزەی خۆر و با)، بەڵام هێشتا لە قۆناغی تاقیکردنەوەدایە و نەخراوەتە بازاڕەوە بۆ بەکارهێنانی بازرگانی.

🎭 بەزمی پاتری ئاسن! باشیەکەی ئەوەیە ئاسن هەرزانە و لە هەموو شوێنێک هەیە. بەم نزیکانە لەبری ئەوەی بڵێیت "مۆبایلەکەم شەحنی تیا نەماوە"، دەبێت بڵێیت "مۆبایلەکەم کەمخوێنی هەیە و ئاسنی دابەزیوە!" 😅 بوخچەیەک ئاسنی پێ بدە با شەحن بێتەوە!

خەمی گرانبوونی لیسیۆممان نەما، بەس خوا بکات پاتریەکانمان ژەنگ نەکەن، دەنا سبەی دەبێت لەگەڵ ئەپدەیتەکاندا، قتویەک دژە ژەنگیش (Anti-Rust) بکڕین بۆ لاپتۆپ و مۆبایلەکانمان! 🛢️😂

ئەحمەد بیردۆز نووسەر و شیکەرەوەی تەکنەلۆژی

Ahmad Birdoz