کۆمپانیای HONOR و ARRI هاوکاریەکی تەکنەلۆژی پێشەنگ ڕادەگەیەنن بۆ تێکەڵکردنی زانستی وێنەی سینەمایی لە مۆبایلەکانی نەوەی داهاتوودا

هەردوو کۆمپانیاکە ئەزموونی سینەمایی پرۆفیشناڵ و تەکنیکەکانی بەرهەمهێنان بۆ مۆبایلی کڕیاران دەگوازنەوە.

هەلڕەخساندن بۆ دروستکەرانی ناوەڕۆک بۆ دەستڕاگەیشتن بە پێوەرە سینەمایە پرۆفیشناڵەکان لە ڕێگەی مۆبایلەوە.

تەکنەلۆژیای ARRI بۆ یەکەمجار لە مۆبایلی داهاتووی HONOR ROBOTـدا دەردەکەوێت.

درێژەی بابەت... بەرشەلۆنە، ئیسپانیا: کۆمپانیای HONOR، براندە پێشەنگەکەی جیهان لە ئامێرە پشت‌ بەستووەکان بە ژیری دەستکرد، هاوکاریەکی تەکنەلۆژی پێشەنگی لەگەڵ کۆمپانیای ARRI ڕاگەیاند، کە کۆمپانیایەکی بەناوبانگی جیهانیە لە دیزاین و دروستکردنی کامێرا سینەمایە پرۆفیشناڵەکاندا. ئەم هاوبەشیە هەنگاوێکی گرنگە بەرەو گواستنەوەی پێوەرە سینەمایە ناسراوەکان بۆ جیهانی وێنەگرتنی مۆبایل کە بە خێرایی گەشە دەکات.

لە ڕێگەی تێکەڵکردنی تواناکانی وێنەگرتنی پێشکەوتووی مۆبایلی HONOR لەگەڵ مێژووی زیاتر لە سەد ساڵەی ARRI لە دیاریکردنی کوالیتی وێنەی سینەمایی، ئەم هاوبەشیە گوزارشت لە خواستی هاوبەش دەکات بۆ کردنەوەی ئاسۆیەکی داهێنەرانەی نوێ و تواناکردنی دروستکەرانی ناوەڕۆک بۆ جێبەجێکردنی پێوەرە سینەماییە ناوازەکان؛ لە دروستکردنی فیلمی پرۆفیشناڵەوە تا دەگاتە مۆبایلە زیرەکەکان.

جێیمس لی، سەرۆکی جێبەجێکاری کۆمپانیای HONOR وتی: "HONOR ڕێگە خۆش دەکات بۆ سەردەمێکی نوێ لە وێنەگرتنی مۆبایل، کە تێیدا تەکنەلۆژیا بۆ ئیلهامبەخشین بە داهێنان و گێڕانەوەی چیرۆکەکان بەردەستە.

دەیڤد بیرمباخ، بەڕێوەبەری گشتیی کۆمپانیای ARRI وتی: "ئەمڕۆ مۆبایلە زیرەکەکان بوونەتە ئامێرێکی پرۆفیشناڵ لە پیشەسازیی فیلمسازیدا و لە بەرهەمهێنانی فیلمە گەورەکاندا لە سەرانسەری جیهان بەکاردێن. بۆیە کاتی ئەوە هاتووە ئەم دوو جیهانە لە هەموو کاتێک زیاتر لە یەکتر نزیک بکەینەوە. بۆ یەکەمجار لە مێژوودا، ڕەگەزە بنەڕەتیەکانی زانستی وێنەی سینەمایی ARRI ڕاستەوخۆ دەخرێنە ناو ئامێرێکی بەکارهێنەرانەوە."

گواستنەوەی پێوەرە سینەمایەکان بۆ مۆبایل لە جیهانی سینەمادا، زانستی وێنە (Image Science) تەنها فلتەرێک یان کاریگەریەک نییە، بەڵکو ئەو بنەمایەیە کە پێکهاتەی وێنەکەی لەسەر بونیاد دەنرێت. ئەم زانستە سروشتیبوونی ڕەنگەکان، چۆنیەتی پیشاندانی ڕووناکی و سێبەر، و ڕەفتاری وێنەکە بە شێوەیەکی یەکگرتوو لە کاتی وێنەگرتنەوە تا سەر شاشەی کۆتایی دیاری دەکات. بە سوودوەرگرتن لە بنەماکانی زانستی وێنەی ARRI، ئەم هاوکاریە بنەما سینەمایە سەرەکیەکان لەسەر پێکهاتەی وێنەگرتن لە مۆبایلەکانی HONOR جێبەجێ دەکات.

دکتۆر بێنێدیکت فۆن لیندینەر، جێگری سەرۆکی کۆمپانیای ARRI و بەرپرسی هاوکاریە تەکنەلۆژیەکان لەگەڵ HONOR ڕایگەیاند: "مۆبایلە زیرەکەکان لە ژینگەیەکی تەواو سنوورداردا کار دەکەن: هەستەوەری بچووکتر، شەقڵە (chips) یەکگرتووەکانی کارایی بەرز، هاوێنەی جیاواز و سنوورەکانی گواستنەوەی داتا. تەحەدیەکە ئەوە نیە کۆپی ئامێرە سینەمایەکان بکەینەوە، بەڵکو گۆڕینی بنەما سەرەکیەکانە بۆ پێکهاتەیەکی گوازراوەی ڕاستەقینە و کاریگەر لە کاتی ڕاستەقینەدا (Real-time). ئامانجمان پێشکەشکردنی جوانیەکی سینەمایی ڕاستەقینەیە بۆ وێنەگرتنی مۆبایل — ڕەنگی سروشتی، تێپەڕبوونی نەرمی ڕووناکی، و هەستکردن بە قووڵایەک کە وا لە بینەر بکات هەست بکات چیرۆکەکە وەک ئەوەی پێویستە دەبینرێت. دەبێت داهێنەران بتوانن بە ئاسانی لە وێنەگرتن بە مۆبایلەوە بۆ پڕۆسەکانی بەرهەمهێنانی پرۆفیشناڵ بگوازرێنەوە."

یەکەم ئەنجام لە HONOR ROBOT PHONE دەردەکەوێت چاوەڕوان دەکرێت یەکەم ئەنجامی ئەم هاوکاریە لە مۆبایلی داهاتووی HONOR ROBOTـدا لە ماوەی ئەمساڵدا دەربکەوێت، کە ئەزموونێکی وێنەگرتنی ناوازە بۆ بەکارهێنەرانی مۆبایلە زیرەکەکان دابین دەکات و تێیدا پێوەرە سینەماییە پرۆفیشناڵەکان و ئاسانی بەکارهێنانی مۆبایل یەکدەگرن.

#AhmadBirdoz #BirdozTech #ژیان٠٠لەگەڵ٠٠تەکنەلۆژیا