سعوودیە بە فەرمی هاتە ناو کێبڕکێی سوپەرکارە کارەباییەکان! 🇸🇦⚡

کۆمپانیای CEER یەکەمین ئۆتۆمبێلی کارەبایی سعودی بە ناوی EXOBOT لە دوو وەشانی لوکس (سیدان و SUV) نمایش کرد 🏎️🔋 ئەم پرۆژەیە تەنها دروستکردنی ئۆتۆمبێلێکی ئاسایی نیە، بەڵکو بەرهەمی هاوبەشی سندووقی وەبەرهێنانی گشتی سعوودیە (PIF) و زەبەلاحی تەکنەلۆژیای جیهانی Foxconnـە، وەک بەشێکی سەرەکی لە پلانی "ڕوانگەی ٢٠٣٠" بۆ ئەوەی ناوچەکە لە بەکارهێنەری نەوتەوە بکاتە جەمسەرێکی گەورەی پیشەسازی ئۆتۆمبێلی پێشکەوتوو.

دیزاینی دەرەوەی ئۆتۆمبێلەکە ڕێک لە فیلمە زانستیە خەیاڵیەکان دەچێت 🛸: • دەرگای باڵی شاهین (Shahin Wing Doors): دەرگاکانی بە شێوازێکی بێوێنە بەرەو سەرەوە دەکرێنەوە.

• گەورەترین شوشەی پێشەوە لە مێژوودا: جامێکی بەردەمی پانۆرامای بە درێژایی ٢.٤ مەتر کە پێشتر لە هیچ ئۆتۆمبێلێکی بەرهەمهێنراودا نەبینراوە.

• لایتەکانی پێشەوە: لە ٣٢ پارچەی ڕووناکی پێکهاتووە وەک هێمایەک بۆ ساڵی ١٩٣٢ (ساڵی یەکخستنی سعوودیە).

کابینەی ناوەوەش بەتەواوی شۆکت دەکات! شاشەیەکی زەبەلاحی کێرڤی 8K بە قەبارەی ٤٨ ئینچ بە تەواوی داشبۆردەکەدا درێژ دەبێتەوە لەگەڵ شاشەی ناوەندی ١٠.٤ ئینچ. سوکانەکەی لە شێوازی فڕۆکەیە (Yoke) بە سیستەمی Steer-by-wire، و سیستەمی فەرمانی دەنگی بە عەرەبی و ئینگلیزی کۆنترۆڵی هەموو بەشەکانی دەکات؛ تەنانەت دەتوانیت بە دەنگ بڵێیت دەرگاکان دابخات 🎙️🚪

📊 تایبەتمەندیە تەکنیکیەکان لە وەشانی First Edition:

🔹 جۆری یەکەم: EXOBOT Sedan (سپۆرت و لوکس) • هێز: ٨٥٠ هێزی ئەسپ بە سێ مۆتۆری ئەلیکترۆنی (AWD).

• تاودان: لە ٠ بۆ ١٠٠ کم/ک تەنها لە ٢.٦ چرکەدا!

• مەودای ڕۆیشتن: ٦٧٠ کیلۆمەتر بە یەک بارگاوی (NEDC).

• پاتری و بارگاویکردنەوە: قەبارەی باتری ١١٢ کیلۆوات، بە سیستەمی ٨٠٠ ڤۆڵت کە لە ماوەی کەمتر لە ٣٠ خولەکدا لە ١٠٪ بۆ ٨٠٪ شەحن دەبێتەوە.

🔹 جۆری دووەم: EXOBOT SUV (بەرز بۆ هەموو ڕێگایەک) • هێز: ٨٥٠ هێزی ئەسپ بە هەمان سیستەمی سێ مۆتۆری AWD. • تاودان: لە ٠ بۆ ١٠٠ کم/ک لە ٢.٩ چرکەدا. • مەودای ڕۆیشتن: ٥٦٠ کیلۆمەتر بە یەک بارگاوی. • بەرزی لە زەوی بە سیستەمی هەوایی (Air Suspension) لە ٢٤٠ بۆ ٣٠٠ ملم دەگۆڕێت.

⚠️ وەشانی دڕندەی داهاتوو: کۆمپانیای CEER پلانی داناوە لە وەشانەکانی داهاتوودا هێزی ئۆتۆمبێلەکە بگەیەنێتە ١,١١١ هێزی ئەسپ و ١,٥٠٠ نیوتن-مەتر زەبر، کە خێرایی سفر بۆ سەدی سیدانەکە دادەبەزێنێت بۆ تەنها ٢.١ چرکە و SUV بۆ ٢.٤ چرکە!

🏭 بەرهەمهێنان و نرخ: ئۆتۆمبێلەکان لە کۆمەڵگەی پیشەسازی CEER لە شاری ئابووری شا عەبدوڵڵا دروست دەکرێن. ئەمە یەکەم هەنگاوە لە پلانێکی ٧ مۆدێلی کە جۆری هایبریدیش لەخۆدەگرێت. فرۆشتنی لە سەرەتای ساڵی ٢٠٢٧ دەستپێدەکات، و تا ئێستا نرخی فەرمی ئاشکرا نەکراوە، بەڵام بۆ پاتریەکەی گەرەنتی ٨ ساڵ یان ٢٠٠ هەزار کیلۆمەتر دیاریکراوە.

ڕای تۆ چیە لەسەر دیزاین و خێرایی ئەم دێوەزمە کارەباییە؟ پێت وایە بتوانێت کێبڕکێی براندە گەورەکانی وەک تێسلا و لوسید و پۆرشە بکات؟ 💬👇

وێنەی زیاتر لەکۆمێنتە

ئەحمەد بیردۆز Ahmad Birdoz