بەشی یەکەم...

شۆڕشی مێژوویی لە جیهانی کۆمپیوتەردا؛ ئینڤیدیا و مایکرۆسۆفت پێناسەی PC دەگۆڕن!

لە کۆنفرانسی گەورەی Computex 2026، جێنسن هوانگ، بەڕێوەبەری جێبەجێکاری کۆمپانیای Nvidia، کۆتایی بە سەردەمی کلاسیکی کۆمپیوتەر هێنا؛ ئەو سەردەمەی کە زۆربەی کۆمپیوتەرەکان بۆ ماوەی ٤٠ ساڵ بوو بە هەمان بیرۆکە و تەلارسازی کاریان دەکرد. لەمەودوا کۆمپیوتەر تەنها "ئامرازێک" نیە بۆ کردنەوەی بەرنامەکان، بەڵکو دەبێتە "هاوکارێکی ڕاستەقینە" کە تەواوی کارەکانت بۆ ڕادەپەڕێنێت.

کۆمپانیای ئینڤیدیا بە هاوبەشی لەگەڵ مایکرۆسۆفت، بە فەرمی چیپێکی یەکگرتووی شۆڕشگێڕیان بە ناوی RTX Spark (کە بە شەرێحەی N1X یش دەناسرێت) ڕاگەیاند. هوانگ ئەم گۆڕانکارییە گەورەیەی چواند بە گواستنەوەی مۆبایلی ئاسایی (Feature Phone) بۆ مۆبایلی زیرەک (Smartphone).

تەلارسازییەکی نوێ: هەموو شتێک لە یەک چیپدا ئەمە چیتر تەنها کارتێکی شاشە (GPU) یان پڕۆسێسەر (CPU) یان ڕامێکی جیاواز نیە؛ بەڵکو سیستمێکی تەواوە لەسەر یەک چیپ (SoC) کە بەهێزترین تەکنەلۆژیاکانی جیهانی تێدا کۆکراوەتەوە: • تەکنەلۆژیای دروستکردن: بە قەبارەی 3 نانۆمەتر (3nm) و لەسەر بنچینەی ARM بە هاوبەشی لەگەڵ MediaTek پەرەی پێدراوە.

• پڕۆسێسەری ناوەندی (Grace CPU): خاوەنی 20 ناوکە (Cores) بۆ ڕاپەڕاندنی قورسترین کارەکانی سیستمی ویندۆز، بە بەکارهێنانی تەنها 80 وات وزە.

• پڕۆسێسەری گرافیک (Blackwell GPU): پشت بەستوو بە نەوەی نوێی Blackwell، خاوەنی 6,144 ناوکی CUDA یە، کە هێزی گرافیکی هاوتایە لەگەڵ کارتی شاشەی بەهێزی دیسکتۆپی RTX 5070.

• یادگەی یەکگرتوو (128GB Unified Memory): بۆ یەکەمجار لە جیهانی ویندۆزدا، چیپەکە خاوەنی یادگەیەکی یەکگرتووی خێرایە بە bandwidth ی گەورەی 600 GB/s لە ڕێگەی NVLink C2C. ئەمەش هۆکارە بۆ گواستنەوەی دەستبەجێی داتا لەنێوان CPU و GPU بەبێ چرکەیەک دواکەوتن.

• یەکەی زیرەکی دەستکرد (NPU): هێزێکی سەرسوڕهێنەری هەیە کە دەگاتە 1 Petaflop (واتە یەک کوادرلیۆن پرۆسەی حسابی لە چرکەیەکدا). ئەمەش ڕێگە دەدات بەهێزترین مۆدێلەکانی AI (وەک DeepSeek, Llama, Gemma, و تەنانەت GPT4All) بەتەواوی بە شێوازی ناوخۆیی (Local) و بەبێ ئینتەرنێت لەسەر ئامێرەکە کار بکەن.

چوونە ناو سەردەمی "Agentic AI" جیاوازی سەرەکی ئەم چیپە لەوەدایە کە کۆمپیوتەرەکەت تەنها وەڵامی پرسیارەکانت ناداتەوە، بەڵکو لە ڕێگەی سیستمی OpenShell ـەوە دەست دەکات بە جێبەجێکردنی پرۆسەی چوار قۆناغی: Context ➔ Observe ➔ Reason ➔ Act.

بۆ نموونە، ئەگەر پێی بڵێیت: "گەشتێکی هەفتانەم بۆ تۆکیۆ بۆ ڕێکبخە بە باشترین نرخ و خشتەی ڕۆژانەم بۆ دابنێ"، زیرەکی دەستکردەکە تەنها پێشنیارت پێ نادات، بەڵکو خۆی دەچێتە ناو سایتەکان، نرخەکان بەراورد دەکات، بڕیار دەدات و گەشتەکە ڕێکدەخات. تەنانەت دەتوانێت کارە ئەندازیارییە ئاڵۆزەکانیش خۆی لەسەر بەرنامەکانی وەک Rhino و Blender ئەنجام بدات و دیزاینەکە ئامادە بکات؛ ڕێک وەک یاریدەدەرێکی کەسی ڕاستەقینە.

بازدانێکی گەورە لە مۆنتاژ، دیزاین و گەیمینگدا تواناکانی RTX Spark تەنها قسە نین، بەڵکو ژمارەکان شۆکهێنەرن:

• مۆنتاژ و گرافیک: توانای ڕێندەرکردنی دیمەنە 3D زەبەلاحەکان، دەستکاری ڤیدیۆ (Editing) تا کوالیتی ئەفسانەیی 12K، و دروستکردنی ڤیدیۆی زیرەکی دەستکرد (AI Video Generation) بە کوالیتی 4K.

• گەیمینگ: دەتوانیت قورسترین یارییەکانی تریپڵ ئەی (AAA Games) بە ڕوونی 1440p و بە خێرایی زیاتر لە 100 فریم لە چرکەیەکدا (100+ FPS) کارپێبکەیت، وەک یارییەکانی Forza Horizon 6 و Double O Seven.

• بەرنامەکانی Adobe: کۆمپانیا گەورەکانی وەک Adobe لە ئێستاوە دەستیان کردووە بە دووبارە داڕشتنەوە و بنیاتنانەوەی بەرنامەکانی Photoshop و Premiere Pro لە سفرەوە تایبەت بەم چیپە، بۆ ئەوەی خێرایی کارکردنی AI تێیاندا ببێتە دوو هێندە (2X Faster) .

داهاتوو لە پایزی ئەمساڵەوە دەستپێدەکات ئەم پرۆژەیە تەنها بیرۆکەیەکی سەر کاغەز نیە. ئینڤیدیا ڕایگەیاند کە لە پایزی ئەمساڵدا (Fall 2026) ، یەکەمین نەوەی لاپتۆپەکان کە بەم چیپە کاردەکەن دەگەنە بازاڕ.

ئەم لاپتۆپانە سەرەڕای هێزە بێوێنەکەیان، زۆر تەنک دەبن (ئەستووری تەنها 14 ملم و کێشی 3 پاوەند)، پاترییەکەیان بە درێژایی ڕۆژ بەرگە دەگرێت، و لە هەمووشی گرنگتر: ئاستی خێرایی و هێزی کۆمپیوتەرەکە کەم ناکات تەنانەت ئەگەر لە کارەباش بێبەش بێت.

تەواوی کۆمپانیا زەبەلاحەکانی جیهانی تەکنەلۆژیا وەک Acer, ASUS, Dell, Gigabyte, HP, Lenovo, Microsoft, و MSI لە ئێستاوە ئامادەکاری دەکەن بۆ خستنەڕووی لاپتۆپ و کۆمپیوتەرە بچووکەکانیان (Mini PCs) بەم چیپە نوێیە.

ئەمە تەنها نوێکردنەوەیەکی ئاسایی ڕەقەکاڵا (Hardware) نیە، بەڵکو لەدایکبوونەوەی خودی چەمکی کۆمپیوتەرە!

چێژی تەکنەلۆژیا لێرەیە 🥰

ڕێز و سڵاوی براتان ئەحمەد بیردۆز 😎💜

Ahmad Birdoz